اقش بيلٸگٸ قازاقستان, تەجٸكستان جەنە ٶزبەكستاننان اۋعانستاندا امەريكالىق ەسكەريلەرگە كٶمەكتەسكەن اۋعانداردى ۋاقىتشا ورنالاستىرۋدى سۇراعان. بۇل تۋرالى دەرەككٶزدەرٸنە سٸلتەمە جاساعان Bloomberg سايتى جازدى, دەپ حابارلايدى ازاتتىق راديوسى.
ۆاشينگتون اقش ەسكەرٸن اۋعانستاننان شىعارعان سوڭ تاليبان امەريكالىق ەسكەريلەرگە قول ۇشىن بەرگەن اۋعانداردى جازالايدى دەپ قاۋٸپتەنەدٸ.
اقش-تىڭ بۇل ۇسىنىسى جايلى رەسمي حابارلانعان جوق, بٸراق اقش مەملەكەتتٸك حاتشىسى ەنتوني بلينكەن 1 شٸلدەدە ۆاشينتوندا ٶزبەكستان سىرتقى ٸستەر مينيسترٸ ابدۋلازيز كاميلوۆپەن جەنە تەجٸكستان سىرتقى ٸستەر مينيسترٸ سيرودجيددين مۋحريددينمەن كەزدەسكەن.
بلينكەن كاميلوۆپەن كەزدەسۋدە "اۋعانستاندا بەيبٸتشٸلٸك ورناتۋ جۇمىسىنا كٶمەكتەسكەنٸ ٷشٸن ٶزبەكستانعا العىس ايتقان".
اقش اۋعانستانداعى ەسكەريلەرٸن 11 قىركٷيەككە دەيٸن تولىق ەكەتپەك. كەيٸنگٸ كەزدە بۇل ەلدە بيلٸك ەسكەريلەرٸ مەن تەلٸپتەر اراسىندا قاقتىعىس بولىپ جاتىر. بۇۇ ەسەبٸنشە, كەيٸنگٸ ايدا "تاليبان" اۋعانستان اۋماعىنىڭ 70 پايىزىنا باقىلاۋ ورناتقان.
اقش ەسكەريلەرٸنە كٶمەكتەسكەن اۋعاندىقتار (كٶلٸك جٷرگٸزۋشٸلەرٸ, قۇرىلىسشىلار, اۋدارماشىلار, باسقا دا ماماندار) قازٸر قاۋٸپسٸزدٸگٸنە الاڭدايدى. اقش بيلٸگٸنٸڭ ەسەبٸنشە, قازٸر اۋعانستاندا تەلٸپتەردٸڭ قاۋپٸ تٶنٸپ تۇرعان 9000 مىڭ ادام (وتباسىلارىمەن قوسا العاندا) بار.
بۇعان دەيٸن اقش يراكتاعى سوعىستا كٶمەكتەسكەن جەرگٸلٸكتٸ تۇرعىندارعا ساياسي باسپانا مەن گرين-كارتا بەرگەن. بٸراق كەيٸنگٸ كەزدە كونگرەسس ارنايى يمميگراتسييا ۆيزاسىنىڭ سانىن شەكتەگەندٸكتەن اۋعاندارعا كٶشٸرٸپ الۋ جاعى قيىن بولىپ تۇر.
بلينكەن كونگرەستەن ارنايى يمميگراتسييا ۆيزاسىنا قويىلعان شەكتەۋدٸ ٶسٸرٸپ, 8 مىڭ اۋعانعا ۆيزا بەرۋدٸ سۇراعانىن ايتتى. بٸراق بۇل مەسەلە ەلٸ شەشٸلگەن جوق. Bloomberg سايتىنىڭ جازۋىنشا, قازٸر اقش باسقا ەلدەردەن اۋعانداردى ۋاقىتشا ورنالاستىرۋ جاعىنان كٶمەك سۇراپ جاتىر.
اقش مەملەكەتتٸك دەپارتامەنتٸنٸڭ ٶكٸلٸ نەد پرايس "اۋعانستانداعى ەسكەرٸمٸزدٸ تولىق ەكەتكەنگە دەيٸن اۋعاندار مەن ولاردىڭ وتباسى دا باسقا ەلگە شىعىپ ٷلگەرەدٸ" دەگەن.
كەيبٸر رەسمي ٶكٸلدەر اۋعانداردى تىنىڭ مۇحيتىنداعى گۋام ارالىنا ۋاقىتشا ورنالاستىرۋدى دا ۇسىنعان. Bloomberg "اقش گۋام يدەياسىنا اسا كٶڭٸل بٶلٸپ وتىرعان جوق" دەپ جازادى.
"ۆيزا كٷتٸپ وتىرعان اۋعانداردى [تەجٸكستان, ٶزبەكستان جەنە قازاقستانعا ۋاقىتشا ورنالاستىرۋ] جاڭالىعى تاڭ قالدىردى. بٸزدٸ ەرتەرەك اۋعانستاننان الىپ كەتەدٸ دەپ ٷمٸتتەنەمٸز, سەبەبٸ مۇندا جاعداي قيىنداپ بارادى. بۇل ەلدەر اۋعانستاننان قاراعاندا ەلدەقايدا قاۋٸپسٸز" دەدٸ اقش قارجىلاندىراتىن جوبانىڭ اۋعان قىزمەتكەرٸ امين راحيمي.
