قازاقستان مەن اقش جوعارعى دەڭگەيدەگٸ ستراتەگييالىق سەرٸكتەستٸكتٸ كەڭەيتۋگە نيەتتٸ. بۇل تۋرالى قر سىرتقى ٸستەر مينيسترٸنٸڭ بٸرٸنشٸ ورىنباسارى اقان راحمەتۋللين ايتتى, دەپ حابارلايدى قازاقپارات.
«بٷگٸن اقش مەملەكەتتٸك حاتشىسىنىڭ ازاماتتىق قاۋٸپسٸزدٸك, دەموكراتييا جەنە ادام قۇقىقتارى جٶنٸندەگٸ ورىنباسارى ۋزرا زەيانىڭ ساپارى اياسىندا قر پرەزيدەنتٸ ەكٸمشٸلٸگٸ باسشىسىنىڭ ورىنباسارى – قر پرەزيدەنتٸنٸڭ حالىقارالىق ىنتىماقتاستىق جٶنٸندەگٸ ارنايى ٶكٸلٸ ەرجان قازىحاننىڭ تەڭ تٶراعالىعىمەن قازاقستان مەن اقش اراسىنداعى ادام قۇقىقتارى مەن دەموكراتييالىق رەفورمالار جٶنٸندەگٸ جوعارى دەڭگەيدەگٸ ديالوگتىڭ بٸرٸنشٸ وتىرىسى ٶتتٸ. بۇل تەتٸك ەكٸجاقتى قارىم-قاتىناسقا قوسىمشا سەرپٸن بەرەدٸ جەنە قازاقستاننىڭ دەمكوراتييالىق كٷن تەرتٸبٸن ٸلگەرٸلەتۋگە باعىتتالعان», - دەدٸ ول.
ونىڭ اتاپ ٶتۋٸنشە, شارا بارىسىندا تاراپتار بۇۇ-نىڭ ادام قۇقىقتارى جٶنٸندەگٸ كەڭەسٸندەگٸ ىنتىماقتاستىق, دٸني سەنٸم بوستاندىعى, قازاقستانداعى ساياسي رەفورمالار, حالىقتىڭ ەلجۋاز توبىنىڭ قۇقىعىن قورعاۋ جەنە ىقپالداستىرۋ, ادام ساۋداسىنا قارسى ٸس-قيمىل مەسەلەلەرٸ تالقىلانعان.
سونىمەن قاتار ەيەلدەردٸڭ, مٷمكٸندٸگٸ شەكتەۋلٸ ادامداردىڭ قۇقىقتارى مەن مٷمكٸنشٸلٸكتەرٸن كەڭەيتۋ, قاۋٸپسٸزدٸك, قۇقىق قورعاۋ سالالارىنداعى ىنتىماقتاستىق, جەمقورلىقپەن كٷرەس مەسەلەلەرٸ قوزعالدى.
«پرەزيدەنت قاسىم-جومارت توقاەۆ باستاماشىلىق جاساعان ەلدٸ ودان ارى دەموكراتييالاندىرۋعا, ادام قۇقىقتارىنىڭ ساقتالۋىن قامتاماسىز ەتۋگە باعىتتالعان ساياسي رەفورمالارعا باسا مەن بەرٸلدٸ. امەريكالىق تاراپ مەملەكەت باسشىسىنىڭ ساياسي جەنە ەلەۋمەتتٸك-ەكونوميكالىق سالالارداعى, مەملەكەتتٸك ينستيتۋتتارداعى ساياساتىن ودان ارى جٷزەگە اسىرۋعا قولداۋ بٸلدٸردٸ. قازاقستان مەن اقش سىندارلى ىنتىماقتاستىقتى ودان ارى قولداۋعا جەنە جوعارى ەرٸ جوعارعى دەڭگەيدەگٸ ستراتەگييالىق سەرٸكتەستٸكتٸ كەڭەيتۋگە نيەتتٸ», - دەدٸ اقان راحمەتۋللين.
