قازاقستان اقش ەدٸلەت مينيسترلٸگٸنە نۇر-سۇلتان (استانا) ەكٸمٸنٸڭ بۇرىنعى ورىنباسارى قانات سۇلتانبەكوۆتى ەكستراديتسييالاۋ تۋرالى ٶتٸنٸش جولدادى. بۇل تۋرالى باس پروكۋرور عيزات نۇردەۋلەتوۆ مەجٸلٸس دەپۋتاتتارىنىڭ ساۋالىنا بەرگەن جاۋابىندا ايتتى, - دەپ حابارلايدى Tengrinews.kz تٸلشٸسٸ.
ول سىبايلاس جەمقورلىققا قارسى قىزمەتتٸڭ سۇراۋى بويىنشا "استانا LRT" كومپانيياسىنىڭ ەكس-باسشىسى تالعات اردان مەن ەلوردا ەكٸمٸنٸڭ بۇرىنعى ورىنباسارى قانات سۇلتانبەكوۆكە ٸشكٸ ٸستەر مينيسترلٸگٸنٸڭ ينتەرپول ارنالارى ارقىلى حالىقارالىق ٸزدەۋ جارييالانعانىن ايتتى.
"قانات سۇلتانبەكوۆتٸڭ اقش اۋماعىندا انىقتالۋىنا بايلانىستى ونى ەكستراديتسييالاۋ تۋرالى سۇراۋ اقش ەدٸلەت مينيسترلٸگٸنە جٸبەرٸلدٸ (2020 جىلدىڭ 24 شٸلدەسٸ). ٶتٸنٸش امەريكالىق تاراپتا قارالىپ جاتىر", - دەدٸ قازاقستاننىڭ باس پروكۋرورى.
