ابايدىڭ 175 جىلدىق مەرەيتويىنا وراي ەلوردادا 300-دەن استام شارا ٶتەدٸ. بۇل تۋرالى بٷگٸن ەلوردا ەكٸمدٸگٸندە ٶتكەن كەڭەيتٸلگەن كەڭەستە نۇر-سۇلتان قالالىق تٸلدەردٸ دامىتۋ جەنە ارحيۆ ٸسٸ باسقارماسىنىڭ باستىعى تٸلەۋعالي قىشقاشباەۆ ايتتى, دەپ حابارلايدى قازاقپارات.
«ۇلى ابايدىڭ 175 جىلدىعى بيىل اتالىپ ٶتەتٸن ەڭ ماڭىزدى مەرەيتويلاردىڭ بٸرٸ. قازٸرگٸ ۋاقىتتا قالالىق ٸس-شارالار جوسپارى جەنە ونىڭ تۇجىرىمداماسى بەكٸتٸلگەن. ٸس-شارالاردى ۇيىمداستىرۋ جۇمىستارى باستالىپ تا كەتتٸ. ٶتكەن جىلدىڭ تامىز ايىندا تٸلدەردٸ دامىتۋ جەنە ارحيۆ ٸسٸ باسقارماسى «ۇلى ابايدىڭ ٸزٸمەن« دەگەن اتاۋمەن عىلىمي-تانىمدىق ساپار ۇيىمداستىرىپ, زييالى قاۋىم ٶكٸلدەرٸنەن قۇرالعان توپ اباي ەلٸنە ساياحات جاساپ قايتتى. سونىمەن قاتار بٸلٸم باسقارماسىنا قاراستى جاسٶسپٸرٸمدەردٸڭ ٶلكەنتانۋ ۇيىمدارىنىڭ ۇيىمداستىرۋىمەن مەكتەپ وقۋشىلارىنا ارنالعان ەكسكۋرسييالىق تۋردىڭ 1-كەزەڭٸندە اباي ەلٸنە ەلوردالىق وقۋشىلار باردى. ەكٸنشٸ كەزەڭ الداعى ۋاقىتتا, جازعى دەمالىس كەزٸندە جالعاسادى. سونىمەن قاتار قىركٷيەك ايىنان باستاپ اشىق ساباقتار, تەربيە ساعاتتارى, پوەزييا كەشتەرٸ ۇيىمداستىرىلۋدا. بۇل شارالار الداعى ۋاقىتتا دا جالعاسىن تابادى», - دەدٸ ول.
ونىڭ اتاپ ٶتۋٸنشە, 2020 جىلى بەكٸتٸلگەن قالالىق جوسپارعا سەيكەس, ەلرودامىزدا ەرتٷرلٸ دەڭگەيدە 300-دەي شارا ٶتەدٸ. مەكتەپكە دەيٸنگٸ مەكەمەلەردەن باستاپ مەكتەپتەردە, ورتا ارناۋلى وقۋ ورىندارىندا جەنە جوعارى وقۋ ورىندارىندا, مەكەمەلەردە, تەاترلاردا اباي وقۋلارى, پوەزييا كەشتەرٸ, كٸتاپ كٶرمەلەرٸ, اباي جولى قويىلىمدارى, تاريحي تانىمدىق ساياحاتتار, جاس اقىندار پوەزييالىق كەشتەرٸ, اباي ەندەرٸ كەشٸ, اقىندار ايتىسى, تەربيە ساعاتتارى جەنە ٷكٸمەتتٸك ەمەس ۇيىمدارمەن بٸرلەسكەن ٸس-شارالار ۇيىمداستىرىلادى. سونىمەن قاتار قالانىڭ ٸرٸ ساۋدا ورىندارىندا, ساياباقتارعا, ايالدامالاردا جەنە ادامدار كٶپ شوعىرلاناتىن ورىنداردا ابايدىڭ قارا سٶزدەرٸ مەن ٶلەڭدەرٸ اۋديو فورماتتا تاراتىلىپ, قالانىڭ كٶرٸكتٸ جەرلەرٸندەگٸ تاقتايشالارعا ۇلى تۇلعالاردىڭ اباي تۋرالى ايتقان قاناتتى سٶزدەرٸ ورنالاستىرىلادى.
«ابايدىڭ مەرەيتويىنا وراي ٶتەتٸن شارالاردىڭ ماڭىزدىسى - قازان ايىنا جوسپارلانىپ, رەسپۋبليكالىق جوسپارعا ەنگەن «اباي جەنە رۋحاني جاڭعىرۋ مەسەلەلەرٸ« اتتى حالىقارالىق عىلىمي-تەجٸريبەلٸك كونفەرەنتسييا. بۇل شاراعا ەلٸمٸزدەن بٶلەك ابايتانۋ سالاسىنا ەڭبەك سٸڭٸرگەن عالىمدار, ونىڭ ٸشٸندە گەرمانييانىڭ گەتە ينستيتۋتىنان, تٷركييادان, موڭعولييادان, قىتايدان, امەريكادان جەنە كانادادان, تاتارستان مەن ەزەربايجان سىندى ٶزگە دە مەملەكەتتەردەن ابايدىڭ شىعارماشىلىعى مەن ٶمٸر جولىن زەرتتەپ جٷرگەن زييالىلار قاتىسادى دەپ جوسپارلانعان», - تٸلەۋعالي قىشقاشباەۆ.
