يراننىڭ جاڭا پرەزيدەنتٸ يبراحيم رايسي قىزمەتٸنە كٸرٸسكەن كەزدە پارلامەنتتە انت بەرٸپ تۇر. تەگەران, 5 تامىز 2021 جىل.
اقش يراننىڭ جاڭا پرەزيدەنتٸ, ساياساتتا ٶزٸنٸڭ قاتقىل باعىت ۇستانۋىمەن مەشھٷر يبراحيم رايسيدٸ 2015 جىلعى يادرولىق كەلٸسٸمدٸ قايتا جانداندىرۋ تۋرالى كەلٸسسٶزگە ورالۋعا ٷندەدٸ. رايسي 5 تامىزدا قىزمەتٸنە رەسمي كٸرٸسكەن كەزدە ٶز ەلٸنە سالىنعان سانكتسييالاردى جويۋدىڭ ديپلوماتييالىق جولدارىن ٸزدەستٸرەتٸنٸن مەلٸمدەگەن. ٸزٸنشە ۆاشينگتون وعان ەلگٸندەي ۇسىنىس جاسادى, دەپ حابارلايدى ازاتتىق.
"بٸز يراندى تەز ارادا كەلٸسسٶزدەرگە ورالۋعا شاقىرامىز. بٸز ٷشٸن بۇل كەزەك كٷتتٸرمەيتٸن باسىمدىق" دەدٸ اقش مەملەكەتتٸك دەپارتامەنتٸنٸڭ ٶكٸلٸ نەد پرايس باسپاسٶز بريفينگٸندە.
رايسي پرەزيدەنت يناۋگۋراتسيياسى رەسٸمٸندە سٶيلەگەن سٶزٸندە سانكتسييالاردىڭ كٷشٸن جويعىسى كەلەتٸنٸن ايتقان.
"ەگەر پرەزيدەنت رايسي سانكتسييالاردىڭ جويىلۋىن شىنىمەن قالاسا, ۆەنادا دەل وسى مەسەلە اشىق تالقىلانىپ جاتىر ەمەس پە" دەدٸ پرايس اۆسترييا استاناسىنداعى يادرولىق كەلٸسٸمدٸ قالپىنا كەلتٸرۋ جايلى جٷرٸپ جاتقان كەلٸسسٶزدٸ مەڭزەپ.
اقش-تىڭ بۇرىنعى پرەزيدەنتٸ دونالد ترامپتىڭ بيلٸگٸ كەزٸندە ۆاشينگتون يران ەكونوميكاسىنا اۋقىمدى تٷردە تەرەڭ تەرٸس ەسەرٸ بار سانكتسييالاردى قايتادان كٷشٸنە ەنگٸزە وتىرىپ, 2015 جىلعى يادرولىق كەلٸسٸمنەن شىققان بولاتىن.
"بٸرٸككەن كەشەندٸ ٸس -قيمىل جوسپارىنا" (تالاپتارىنا) سەيكەس, ساياسات جٷرگٸزۋ شارتىنا تٸزە قوسا وتىرىپ ورالۋعا قول جەتكٸزۋ مٷمكٸندٸگٸ مەڭگٸ-باقي بولا بەرمەيدٸ" دەپ مەلٸمدەدٸ پرايس.
بۇعان دەيٸن ۆەناداعى كەلٸسسٶز التى راۋندتان كەيٸن توقتاپ قالعان ەدٸ. يراننىڭ يادرولىق كەلٸسسٶز جٷرگٸزەتٸن توبىنىڭ جەتەكشٸسٸ ٶتكەن ايدا كەلەسٸ راۋندتىڭ باستالۋىن يبراحيم رايسيدٸڭ قىزمەتٸنە كٸرٸسكەنشە كٷتۋ كەرەگٸن ايتقان بولاتىن.
- يران جەنە تاعى التى ەل (ۇلىبريتانييا, گەرمانييا, قىتاي, رەسەي, اقش, فرانتسييا) اراسىندا 2015 جىلى شٸلدەدە يادرولىق كەلٸسٸمگە قول قويىلعان. كەلٸسٸم يراننىڭ يادرولىق باعدارلاماسى مەن قارۋلانۋىنا ۋاقىتشا شەكتەۋ قويادى. ەسەسٸنە تەگەرانعا سالىنعان حالىقارالىق سانكتسييا جۇمسارۋى تيٸس.
- 2018 جىلعى مامىردا اقش پرەزيدەنتٸ دونالد ترامپتىڭ ەكٸمشٸلٸگٸ بۇل كەلٸسٸمنەن شىعىپ, يرانعا بٸرجاقتى سانكتسييا سالعان. بۇل قۇجاتقا قول قويعان ٶزگە ەلدەردٸڭ نارازىلىعىن تۋعىزعان. تەگەران جاۋاپ رەتٸندە ٶز مٸندەتتەرٸنەن بٸرتٸندەپ باس تارتا باستاعان.
- كەيٸن اقش-تىڭ جاڭا پرەزيدەنتٸ دجو بايدەن ەكٸمشٸلٸگٸ يادرولىق كەلٸسٸمگە قايتا قوسىلۋ مەسەلەسٸن قاراستىرۋعا ەزٸر ەكەنٸن مەلٸمدەگەن. ەكٸ تاراپ كەلٸسٸمدٸ قايتا كٷشٸنە ەنگٸزۋگە ىنتا تانىتىپ, بيىل سەۋٸردە ۆەنادا كەلٸسسٶز باستالعان.
