اقش بيلٸگٸ يراننىڭ سەگٸز شەنەۋنٸگٸنە جەنە ەلدٸڭ مەتال ٶندٸرٸسٸنە جاڭا سانكتسييالار سالدى. 10 قاڭتاردا ۆاشينگتوندا اقش مەملەكەتتٸك حاتشىسى مايك پومپەو مەن قارجى مينيسترٸ ستيۆەن منۋچين باسپاسٶز مەسليحاتىن ٶتكٸزٸپ, سانكتسييا سالىنعانىن جارييالادى.
اقش-تىڭ جاڭا سانكتسيياسىنا ٸلٸنگەندەر اراسىندا يران ۇلتتىق قاۋٸپسٸزدٸك كەڭەسٸنٸڭ حاتشىسى الي شامحاني, يران كارۋلى كٷشتەرٸ قولباسشىسىنىڭ ورىنباسارى رەزا اشتياني, يسلام رەۆوليۋتسيياسى كورپۋسىنىڭ «باسيدج» جاساعىنىڭ باسشىسى گولەمرەزا سٷلەيماني بار.
بۇعان قوسا, ۆاشينگتون قىتاي مەن سەيشەل ارالدارىندا ورنالاسقان 17 تاۋ-كەن جەنە مەتالل كومپانيياسىنا, مەتالل ساۋداسىمەن اينالىسقان كەمەگە دە سانكتسييا سالدى.
بۇدان بٶلەك, اقش پرەزيدەنتٸ دونالد ترامپ ارنايى جارلىققا قول قويىپ, يران رەجيمٸنٸڭ قوسىمشا تابىس كٶزدەرٸنە شەكتەۋ قويدى.
اقش يرانعا جاڭا سانكتسييانى تەگەران مەن ۆاشينگتون اراسىنداعى جاعداي ۇشىققان سەتتە جەنە تەگەراندا ۋكراينالىق جولاۋشىلار ۇشاعى اپاتقا ۇشىراعان كەزدە سالدى. 3 قاڭتاردا اقش باعدادتا ەۋە شابۋىلىن جاساپ, يراننىڭ «قۇدس كٷشتەرٸنٸڭ» قولباسشىسى كاسەم سٷلەيمانيدٸ ٶلتٸرگەن. كەيٸن يران اقش-تىڭ يراكتاعى ەسكەري بازاسىنا شابۋىل جاساعان. شابۋىلدان سوڭ ترامپ تەگەرانعا جاڭا سانكتسييا سالاتىنىن مەلٸمدەگەن.
