توكيونىڭ جوعارعى سوتى جاپونييا ٷكٸمەتٸنە اقش-تىڭ يوكوتا ەسكەري بازاسىنان شىققان شۋ ٷشٸن فۋسسا قالاسىنىڭ (استانالىق پەرفەكتۋرا قۇرامىنا كٸرەدٸ) تۇرعىندارىنا 7 ملن اقش دوللارى كٶلەمٸندە ٶتەماقى تٶلەۋدٸ مٸندەتتەدٸ. ٶتەماقىنى ٷيلەرٸ ەسكەري بازاعا كٶرشٸلەس ورنالاسقان مىڭعا جۋىق ادام الادى, دەپ حابارلادى بٷگٸن, بەيسەنبٸدە Kyodo اگەنتتٸگٸ.
«بازادان شىققان شۋ شامادان اسىپ كەتكەن. قالا تۇرعىندارىنىڭ كٷندەلٸكتٸ ٶمٸرٸن بۇزىپ, ەموتسييالىق تۇرعىدان قاجىتىپ جٸبەرگەن», - دەدٸ سوت تٶراعاسى سيگەرۋ ناكانيسي.
يوكوتا سولتٷستٸك-باتىس تىنىق مۇحيت ايماعىنداعى اقش-تىڭ ەڭ ٸرٸ ەسكەري-كٶلٸك ەۋە بايلانىسى قىزمەتٸن اتقارادى. بۇل جەردە سونداي-اق, جاپونيياداعى اقش قارۋلى كٷشتەرٸنٸڭ شتابى ورنالاسقان.
