رەسەي ۋكراينا اۋماعىنا باسىپ كٸرگەلٸ بەرٸ جەتٸ مىڭنان استام سولداتىنان ايىرىلدى. بۇل يراك پەن اۋعانستانداعى 20 جىلدىق سوعىستا قازا بولعان امەريكالىق سولداتتاردىڭ جيىنتىق كٶرسەتكٸشٸنەن دە كٶپ. اقش بارلاۋ قىزمەتٸنٸڭ مەلٸمەتٸنە سٷيەنگەن The New York Times باسىلىمى وسىلاي دەپ جازدى.
باسىلىمنىڭ جازۋىنشا, 24 اقپاننان بەرٸ 14-21 مىڭ ارالىعىندا رەسەي سولداتى جارالانعان. رەسەي ۋكرايناداعى سوعىسقا بارلىعى 150 مىڭ ەسكەرٸن تارتقان.
دەرەككٶزٸنٸڭ حابارلاۋىنشا, رەسەي ارميياسىنىڭ شىعىنى تۋرالى مەلٸمەت جۋىقتاپ الىنعان جەنە ول اشىق دەرەككٶزدەرگە سٷيەنٸپ ەسەپتەلگەن. ۋكراينا قورعانىس مينيسترلٸگٸ مەن سپۋتنيك مەلٸمەتتەرٸ دە پايدالانىلعان.
اقش قورعانىس مينيسترلٸگٸ ٶكٸلدەرٸنٸڭ ايتۋىنشا, ادام شىعىنىنىڭ كٶپتٸگٸ رەسەي ەسكەري قىزمەتكەرلەرٸنٸڭ مورالدىق كٶڭٸل-كٷيٸنە ەسەر ەتۋٸ مٷمكٸن, كەيبٸرٸ ٶزدەرٸنٸڭ سوعىسىپ جٷرگەندەرٸن دە بٸلمەيدٸ.
ۋكراينا بيلٸگٸنٸڭ ايتۋىنشا, رەسەي 14 مىڭعا جۋىق سولداتىنان ايىرىلعان. ال رەسەي قورعانىس مينيسترلٸگٸ ۋكراينا جاقتان 18 مىڭنان استام ادام قازا بولدى دەيدٸ.
وسىعان دەيٸن رەسەي بيلٸگٸ ادام شىعىنى جٶنٸندە بٸر رەت قانا ەسەپ بەرگەن. 2 ناۋرىزدا ۆەدومستۆو 498 رەسەيلٸك سولداتتىڭ وپات بولعانىن حابارلاعان. ال ۋكراينا پرەزيدەنتٸ ۆلاديمير زەلەنسكيي وسى اپتادا 1300 ۋكراين سولداتىنىڭ قازا تاپقانىن مەلٸمدەگەن.
سوعىس كەزٸندە ادام شىعىنى تۋرالى مەلٸمەتتەردٸڭ راستىعىن تەكسەرۋ ٶتە قيىن.
24 اقپاندا رەسەي پرەزيدەنتٸ ۆلاديمير پۋتين ۋكراينانى "دەناتسيفيكاتسييا جەنە دەميليتاريزاتسييالاۋ" ماقساتىندا كٶرشٸ ەلگە باسىپ كٸرگەن. پۋتين ناتو ۋكراينانى رەسەيگە قارسى شەپكە اينالدىرعىسى كەلەدٸ دەپ مەلٸمدەگەن. ۋكراينا مەن ناتو مۇنى جوققا شىعارادى.
