ۆاشينگتون اۋعانستاننىڭ "بٸرتۇتاستىعى مەن ەگەمەندٸگٸن" قولدايدى جەنە قوس ٷكٸمەت قۇرۋعا باعىتتالعان كەز كەلگەن ەرەكەتكە قارسىلىق بٸلدٸرەدٸ دەپ مەلٸمدەدٸ اقش مەملەكەتتٸك حاتشىسى مايك پومپەو. 9 ناۋرىزدا كابۋلدا اۋعانستان پرەزيدەنتٸ قىزمەتٸنە كٸرٸسۋ رەسٸمٸن سوڭعى سايلاۋعا قاتىسقان ەكٸ نەگٸزگٸ كانديدات قاتار ٶتكٸزگەن. قازٸرگٸ ٸس باسىنداعى مەملەكەت باسشىسى اشراف عاني پرەزيدەنت سارايىندا انت قابىلداپ جاتقاندا, كٶرشٸ سارايدا ونىڭ بەسەكەلەسٸ, ٶزٸن "پرەزيدەنت سايلاۋىندا جەڭدٸم" دەپ جارييالاعان ەلدٸڭ بۇرىنعى ٷكٸمەت جەتەكشٸسٸ ابدۋللا ابدۋللانىڭ سالتاناتتى ۇلىقتاۋ رەسٸمٸ ٶتكەن ەدٸ.
"بٸز قوس ٷكٸمەت قۇرۋعا باعىتتالعان جەنە ساياسي مەسەلەلەردٸ كٷشپەن شەشۋدٸ كٶزدەيتٸن كەز كەلگەن ەرەكەتكە ٷزٸلدٸ-كەسٸلدٸ قارسىمىز" دەپ مەلٸمدەدٸ پومپەو.
بۇعان قوسا ول 9 ناۋرىزدا كابۋلدا جاسالعان تەررورلىق شابۋىلدى ايىپتادى. Khaama Press اقپارات اگەنتتٸگٸ جەكسەنبٸ كٷنٸ اشراف عانيدىڭ يناۋگۋراتسيياسى ٶتٸپ جاتقان كەزدە پرەزيدەنت سارايى ماڭىنا تٶرت سنارياد تٷسكەنٸن حابارلاعان. شابۋىلعا جاۋاپكەرشٸلٸكتٸ "يسلام مەملەكەتٸ" ەكسترەميستٸك توبى العان.
كٶرشٸ ورنالاسقان ەكٸ سارايداعى سالتاناتتى شارالارعا جٷزدەگەن ادام قاتىسقان.
اشراف عانيدىڭ يناۋگۋراتسيياسىنا قاتىسۋشىلار اراسىندا اقش-تىڭ اۋعانستان بويىنشا ارنايى ٶكٸلٸ زالماي حاليلزاد پەن اۋعانستانداعى حالىقارالىق كواليتسييا كٷشتەرٸنٸڭ باسشىسى, اقش گەنەرالى سكوتت ميللەر دە بولدى.
