اقش ەدٸلەت مينيسترلٸگٸ 30 شٸلدە كٷنٸ ەلدٸڭ قارجى مينيسترلٸگٸنە بۇرىنعى پرەزيدەنت دونالد ترامپتىڭ سالىق دەكلاراتسيياسىن كونگرەستٸڭ بيۋدجەت كوميتەتٸنە ٶتكٸزۋدٸ تاپسىردى. وسى كوميتەت كٶپ جىل بويى وسى قۇجاتتاردى الۋعا تالپىنعانمەن ونى قولعا تٷسٸرە الماعان ەدٸ.
ەدٸلەت مينيسترلٸگٸ مەموراندۋمىندا اقش دەموكراتييالىق پارتيياسى ٶكٸلدەرٸ باسىم كونگرەستٸڭ ٶكٸلدەر پالاتاسىنىڭ بيۋدجەت كوميتەتٸ رەسپۋبليكاشىلار پارتيياسىنا مٷشە, كەزٸندە كەسٸپكەردەن ەل پرەزيدەنتٸنە اينالعان ساياساتكەردەن (ترامپتان) سالىق تٶلەۋ دەكلاراتسيياسىن كٶرسەتۋٸن تالاپ ەتۋ ٷشٸن "جەتكٸلٸكتٸ دەيەكتەر" ۇسىنعانىن اتاپ ٶتكەن. دونالد ترامپ اقش پرەزيدەنتٸ بولىپ تۇرعاندا ونىڭ ٸسكەرلٸك ٸس-ەرەكەتٸن تەكسەرگٸسٸ كەلگەن كونگرەستەگٸ دەموكراتتاردىڭ تالپىنىسىنا ٷنەمٸ توسقاۋىل قويىپ وتىردى.
سول كەزدەگٸ اقش قارجى مينيسترٸ ستيۆەن منۋچين (ترامپتىڭ) سالىق دەكلاراتسيياسىن كونگرەستٸڭ بيۋدجەت كوميتەتٸنە بەرمەيتٸنٸن, ٶيتكەنٸ ٶكٸلدەر پالاتاسىنداعى سانى باسىم دەموكراتتار مۇنى ٶز جەكە-دارا پارتييالىق مٷددەسٸنە پايدالانۋ ماقساتىمەن سۇراتىپ وتىر دەگەن قورىتىندىعا كەلگەنٸن مەلٸمدەگەن ەدٸ. كوميتەت ترامپ پەن ونىڭ كومپانييالارى ٶز ٸس-ەرەكەتٸندە ەلدٸڭ سالىق زاڭدارىن قانشالىقتى ساقتاعانىن تەكسەرگٸسٸ كەلەتٸنٸن اتاپ ايتىپ وتىر. كونگرەستٸڭ تٶمەنگٸ پالاتاسىنىڭ سپيكەرٸ نەنسي پەلوسي 30 شٸلدە كٷنٸ ترامپتىڭ سالىق دەكلاراتسيياسىن قولعا تٷسٸرۋ "ۇلتتىق قاۋٸپسٸزدٸك ٷشٸن ماڭىزدى مەسەلە" دەپ مەلٸمدەدٸ. بۇرىنعى پرەزيدەنت ترامپ تارابىنان ونىڭ ەدٸلەت مينيسترلٸگٸنٸڭ (اتالعان شاراسى ٷشٸن) ٷستٸنەن سوتقا شاعىم تٷسٸرگٸسٸ كەلەتٸنٸ جايلى ەزٸرگە ەشقانداي تٷسٸنٸكتەمە بەرٸلمەدٸ.
اقش-تىڭ باسقا پرەزيدەنتتەرٸنەن ايىرماشىلىعى سول, دونالد ترامپ ٶز سالىق دەكلاراتسيياسى تۋرالى قۇجاتتاردى جەنە جەكە بايلىعى مەن وتباسىلىق كومپانيياسى سانالاتىن "Trump Organization" جٶنٸندەگٸ ٶزگە قۇجاتتاردى جارييالاۋدان باس تارتقان. ول كەزٸندە اقش فەدەرالدىق سالىق مينيسترلٸگٸنٸڭ اۋديتٸنە بايلانىستى ٶز سالىق دەكلاراتسيياسى مازمۇنىن جارييالاي المايتىنىن مەلٸمدەگەن ەدٸ, بٸراق ول اۋديت نەگە سونشاما ۇزاق ۋاقىتقا سوزىلعانى ەلٸ كٷنگە دەيٸن تٷسٸنٸكسٸز مەسەلە بولىپ سانالادى.
