پرەزيدەنت رامازان ايىندا ارنايى داستارقان جايىپ, اۋىزاشار بەردٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
قاسىم-جومارت توقاەۆ جينالعان قاۋىم الدىندا سٶيلەگەن سٶزٸندە بۇل يگٸ دەستٷردٸڭ حالىقتى بەرەكە-بٸرلٸككە شاقىراتىنىن اتاپ ٶتتٸ. مەملەكەت باسشىسى ەدٸلەتتٸ قوعام قۇرۋدىڭ ماڭىزدىلىعىنا توقتالدى.
– جاقىن ارادا كونستيتۋتسييامىزدى ٶزگەرتەتٸن بولدىق. بٸراق, ەڭ الدىمەن, جۇرتىمىزدىڭ سانا-سەزٸمٸ جاڭعىرۋى قاجەت. بۇل – وڭاي شارۋا ەمەس. الدىمىزدا كٶپتەگەن تٷيتكٸلدەر بار, سوندىقتان بەرٸمٸز جۇمىلا ەڭبەك ەتۋٸمٸز كەرەك. ەڭ باستىسى, نيەتٸمٸز تازا, پەيٸلٸمٸز تٷزۋ بولۋعا تيٸس. بٸر-بٸرٸمٸزگە جاناشىرلىق تانىتۋىمىز كەرەك. قازٸر بٷكٸل ادامزاتقا دەل وسىنداي قاسيەتتەر جەتٸسپەي جاتىر, – دەدٸ پرەزيدەنت.
قاسىم-جومارت توقاەۆ جاستارعا دۇرىس باعىت-باعدار بەرٸلۋٸ كەرەك ەكەنٸن, بٸلٸمدٸ, كٶزٸ اشىق, كٶكٸرەگٸ وياۋ, وتانشىل جاستار عانا كەلەشەكتٸڭ يەسٸ بولاتىنىن ەرەكشە اتاپ ٶتتٸ. پرەزيدەنتتٸڭ پٸكٸرٸنشە, جاستارىمىزدىڭ ۇلتتىق قۇندىلىقتاردى بويىنا سٸڭٸرٸپ, قازٸرگٸ زاماننىڭ عىلىم-بٸلٸمٸن يگەرۋٸ ايرىقشا ماڭىزدى.
مەملەكەت باسشىسى يسلام دٸنٸنٸڭ ٶركەنيەت قۇندىلىقتارىن, بەيبٸتشٸلٸك ۇعىمدارىن ناسيحاتتايتىنىن اتاپ ٶتتٸ.
– جۇرتىمىز قاشاندا بەيبٸت ٶمٸردٸ باعالاي بٸلگەن. بٸز وسى ۇستانىمنان اينىمايمىز. ول ٷشٸن ەلٸمٸزگە بەرەكە-بٸرلٸك, ٶزارا تٷسٸنٸستٸك قاجەت. يسلام ادامداردى بٶلٸنۋگە ەمەس, بٸرلٸككە شاقىرادى. يماندىلىق – ەڭ اسىل قاسيەت. سوندىقتان, دەستٷرلٸ دٸنٸمٸز ۇرپاق تەربيەسٸنٸڭ ٶزەگٸ بولۋى كەرەك. ۇرپاققا وسىنداي ٶنەگەلٸ تەربيە بەرۋ – بەرٸمٸزدٸڭ ورتاق مٸندەتٸمٸز, – دەدٸ قاسىم-جومارت توقاەۆ.
پرەزيدەنت ەلٸمٸزگە تاتۋلىق پەن تىنىشتىق تٸلەدٸ.
