اقمولا وبلىسىندا الكوگول ٶنٸمٸن ساتۋشى ٶزٸنٸڭ جۇمىس ورنىندا گاشيش ساۋدالاعان, دەپ حابارلايدى قازاقپارات وبلىستىق ٸشكٸ ساياسات باسقارماسىنا سٸلتەمە جاساپ.
اقمولا وبلىستىق پوليتسييا دەپارتامەنتٸنٸڭ باسپاسٶز قىزمەتٸنٸڭ مەلٸمەتٸنشە, ەلوردا ماڭىنداعى ەلدٸ مەكەننٸڭ 39 جاستاعى تۇرعىنى ۇزاق ۋاقىت بويى گاشيش پايدالانىپ كەلگەنٸن انىقتالدى. ول ساۋدا ٷيٸندە الكوگول ٶنٸمدەرٸن ساتۋمەن اينالىسقان. كەيٸن الكوگول ٶنٸمدەرٸمەن بٸرگە ەسٸرتكٸ زاتىن ساتۋدى قولعا الادى.
«كٷدٸكتٸ «ٶنٸمدٸ» تەك قۇپييا سٶز ارقىلى ساتقان. ياعني, ساتىلىمدا جوق الكوگول ٶنٸمنٸڭ قۇپييا سٶزٸن ايتقان ادامعا عانا ەسٸرتكٸ ساتقان. وسىنداي 5 گرامنان استام گاشيش ساتۋ كەزٸندە ونى پوليتسييا قىزمەتكەرلەرٸ قولعا تٷسٸردٸ», - دەدٸ ەسٸرتكٸ قىلمىسىمەن كٷرەس باسقارماسىنىڭ اعا جەدەل ۋەكٸلٸ, پوليتسييا مايورى رەزييا كۋرسانوۆا.
ۆەدومستۆودان اتاپ ٶتكەندەي, قازاننىڭ 2-ٸندە ەسٸرتكٸ ساتۋشى ۇستالدى. جۇمىس ورنى بويىنشا سانكتسييالانعان تٸنتۋ بارىسىندا قۇرامىندا ەرەكشە يٸسٸ بار سۇر-جاسىل تٷستٸ ۇنتاق تەرٸزدٸ كونسيستەنتسييالى زاتى بار پوليەتيلەن تٷيٸنشەك تابىلدى. ساراپتاما تاعايىندالدى.
«وسىعان بايلانىستى قىلمىستىق كودەكستٸڭ 1-شٸ بابى 297-شٸ بٶلٸگٸ (ەسٸرتكٸ زاتتارىن زاڭسىز ٶتكٸزۋ) بويىنشا قىلمىستىق ٸس قولعا الىندى. كٷدٸكتٸگە قاتىستى بۇلتارتپاۋ شاراسى تاڭدالدى. اتالمىش باپتىڭ سانكتسيياسىنا سەيكەس, ەر ادام 10 جىلعا دەيٸن باس بوستاندىعىنان ايىرىلۋى مٷمكٸن», - دەپ تولىقتىردى كۋرسانوۆا.
