اقمولا وبلىسىنىڭ ديقاندارى دەندٸ, بۇرشاق جەنە مايلى داقىلداردى سەبۋ جۇمىستارىنا كٸرٸستٸ. ناۋقانعا 31,6 مىڭ اۋىل شارۋاشىلىعى تەحنيكاسى جۇمىلدىرىلادى, دەپ حابارلايدى "ۇلت اقپارات" وبلىستىق ٸشكٸ ساياسات باسقارماسىنا سٸلتەمە جاساپ.
اۋىل شارۋاشىلىعى داقىلدارىنىڭ ٸشٸندە جازدىق بيدايدىڭ ٷلەسٸ زور. بٷٸنگٸ تاڭدا 530 مىڭ توننا تۇقىمى بار. ەليتالىق تۇقىمنىڭ ەگٸس كٶلەمٸ 23,3 پايىزعا ۇلعايتىلىپ, 365 مىڭ گەكتاردى قۇراپ وتىر.
فەرمەرلەرگە «كەڭ دالا» باعدارلاماسى بويىنشا 5 پايىزدىق جەڭٸلدٸكپەن نەسيە تٷرٸندە مەملەكەتتٸك قولداۋ كٶرسەتٸلۋدە. ديقاندار مەملەكەت تاراپىنان بٶلٸنگەن 24 ميلليارد تەڭگە قارجىعا قول جەتكٸزە الاتىن بولادى.
«بيىلعى جىلى 15 مىڭ گەكتار القاپقا تۇقىم سەبۋ جوسپارلانعان. ونىڭ 10 مىڭ گەكتارىنا بيدايدىڭ جۇمساق تۇقىمى, 4 مىڭ گەكتارىنا ارپا جەنە 1 مىڭ گەكتارىنا زىعىر سەبٸلەدٸ. بٸز مەملەكەتتٸك باعدارلاما ارقىلى كٶمەك الىپ, ونىڭ 50 پايىزىن يگەردٸك. بۇل قارجىعا گەربيتسيد, جانار-جاعار ماي ساتىپ الدىق. ەگٸس جۇمىستارىن مامىر ايىنىڭ 25-نە دەيٸن اياقتاۋ جوسپارلانعان», - دەيدٸ قورعالجىن اۋدانىنداعى «ميراس-2000» جشس ديرەكتورى دەلەل جٷزباەۆ.
ايتا كەتەيٸك, بيىل وبلىس بويىنشا 4,9 ميلليون گەكتار القاپقا دەن سەبۋ جوسپارلانعان. ونىڭ 4,4 ميلليون گەكتارى دەندٸ بۇرشاق, 254 مىڭ گەكتارى مايلى داقىلدار, 181 مىڭ گەكتارى مال ازىعى, 16,1 مىڭ گەكتارى كارتوپ جەنە 3 مىڭ گەكتارى كٶكٶنٸس داقىلدارى.
