اقمولالىق ديقاندار كٶكتەمگٸ ەگٸس جۇمىستارىنا ەزٸرلەنۋدە. بيىلعى جىلى وبلىس بويىنشا 4,9 ميلليون گەكتار ەگٸستٸك القاپقا دەن سەبۋ جوسپارلانعان, دەپ حابارلايدى "ۇلت اقپارات" تٸلشٸسٸ وبلىستىق ٸشكٸ ساياسات باسقارماسىنا سٸلتەمە جاساپ.
وبلىستىق اۋىل شارۋاشىلىعى باسقارماسىنىڭ مەلٸمەتٸنشە, اۋىل شارۋاشىلىعى داقىلدارىنىڭ ٸشٸندە جازدىق بيدايعا باسىمدىق بەرٸلٸپ وتىر.
كٶكتەمگٸ دالا جۇمىستارىن ۇيىمشىلدىقپەن ٶتكٸزۋ ارقىلى مول ٶنٸم الۋعا بولادى. وسىنى تٷسٸنگەن اقمولالىق ديقاندار ناۋقانعا قىزۋ كٸرٸسٸپ وتىر.
«وبلىستا ارزانداتىلعان باعامەن 70 مىڭ توننا كەپٸلدەندٸرٸلگەن ديزەل وتىنى بٶلٸندٸ. جالپى, اۋىل شارۋاشىلىعى تەحنيكاسىنىڭ دايىندىعى - 98 پايىز. جاڭا 133 تەحنيكا ساتىپ الىندى», - دەدٸ ۆەدومستۆودان.
تۇقىم دايىنداۋ جەنە تىڭايتقىشتارمەن جۇمىس ٸستەۋ مەسەلەسٸنە ەرەكشە نازار اۋدارىلادى.
بٷگٸندە وبلىستا اككرەديتتەلگەن زەرتحانالاردا 450 مىڭ توننادان استام تۇقىمعا تولىق تالداۋ جٷرگٸزٸلۋدە.
مينەرالدى تىڭايتقىشتاردى جەتكٸزۋگە شارتتار جاسالدى. جارقايىڭ اۋدانىنىڭ «تەمٸرلان» جشس ديرەكتورى ەرلان الين بولاشاق ەگٸس القابى تۋرالى ٶز جوسپارىن بٶلٸستٸ.
«بيىل بٸزدە 45 مىڭ گەكتار جەرگە ەگٸن ەگۋ مٸندەتٸ قويىلعان, ونىڭ 41 مىڭ گەكتارىنان استامىنا بيداي, 3 مىڭ گەكتارىنا ارپا, 200 گەكتارىنا سۇلى مەن قاراقۇمىق ەگٸلەدٸ. ەگٸس جۇمىستارىن مامىر ايىنىڭ ورتاسىندا باستاۋدى جوسپارلاپ وتىرمىز», - دەدٸ كەسٸپكەر.
فەرمەرلەرگە «كەڭ دالا» باعدارلاماسى بويىنشا جىلدىق 5 پايىزبەن ارزانداتىلعان نەسيە تٷرٸندە مەملەكەتتٸك قولداۋ كٶرسەتٸلەدٸ.
ديقانداردى قولداۋ رەتٸندە 17 ميلليارد تەڭگە قارجى بٶلٸنٸپ وتىر.
ايتا كەتەيٸك, اعىمداعى جىلى وبلىس ديقاندارى 4,9 ميلليون گەكتارعا تۇقىم سەبۋدٸ مەجەلەپ وتىر.
ونىڭ 4,5 ميلليون گەكتارى – دەندٸ بۇرشاق داقىلدارى, 216 مىڭى - مايلى داقىلدار, 200 مىڭى - جازدىق داقىلدار, سونداي-اق, 15,6 مىڭ گەكتارعا كارتوپ جەنە 3,4 مىڭنان استام گەكتارعا كٶكٶنٸس وتىرعىزىلادى.
