اقمولا وبلىسىندا ٶرت كەزٸندە ٷش ادام قازا تاپتى, دەپ حابارلايدى قازاقپارات.
بٷگٸن, 1 ناۋرىزدا بۇلاندى اۋدانىنىڭ كۋپچانوۆكا اۋىلىندا 81 شارشى مەتر جەكە تۇرعىن ٷيدە ٶرت شىقتى.
ٶرت سٶندٸرۋ بٶلٸمشەسٸ كەلگەن ۋاقىتتا ٷي تولىعىمەن وتقا ورانعان.
وقيعا ورنىنان 1976 جەنە 1987 جىلى تۋعان ەكٸ ەيەل مەن 1994 جىلى تۋعان ەر ادامنىڭ مەيٸتٸ تابىلدى.
بٸر ادام تەرەزەنٸ سىندىرىپ شىعىپ امان قالعان جەنە ٶرت سٶندٸرۋشٸلەردٸ شاقىرعان.
«الدىن الا اقپارات بويىنشا, ٷي يەسٸ 1976 جىلى تۋعان ەيەل وتباسىلىق مەرەكەدە, دوستارىنىڭ اراسىندا ۇلىنىڭ كەمەلەتكە تولعانىن اتاپ ٶتپەك بولعان. كەيٸن ٶرت كەزٸندە كەلگەن قوناقتار ٷي يەسٸمەن بٸرگە قازا تاپقان», – دەدٸ اقمولا وبلىسى تجد مەملەكەتتٸك-ٶرت باقىلاۋ باسقارماسىنىڭ باستىعى دۋمان دالەشوۆ.
ٶرت 03.10 كەزٸندە اۋىزدىقتالىپ, 04.55-تە تولىق سٶندٸرٸلدٸ.
تٸلسٸز جاۋدىڭ سەبەبٸ انىقتالىپ جاتىر. سوت-مەديتسينالىق ساراپتاما تاعايىندالدى.
وقيعا ورنىنا تجد 11 قىزمەتكەرٸ مەن 3 تەحنيكا شىقتى.
اقمولا وبلىسىنىڭ تٶتەنشە جاعدايلار دەپارتامەنتٸ وبلىس تۇرعىندارى مەن قوناقتارىنا ٶرت قاۋٸپسٸزدٸگٸ شارالارىن ساقتاۋ قاجەتتٸگٸن ەسكەرتەدٸ.
