اقمولا وبلىسى ستەپنوگور قالاسىنداعى يزوبيلنوە اۋىلىنىڭ 147 ابونەنتٸ قۇيىن جەلدٸڭ سالدارىنان جارىقسىز قالدى. قولايسىز اۋا رايىنان ەلدٸ مەكەندەگٸ بٸرنەشە ٷيدٸڭ شاتىرى ۇشىپ كەتتٸ, دەپ حابارلايدى "ۇلت اقپارات".
اقمولا وبلىسى تجد باسپاسٶز قىزمەتٸنٸڭ مەلٸمەتٸنشە, 25 شٸلدە كٷنٸ ستەپنوگور قالاسىنداعى يزوبيلنوە اۋىلىندا ساعات 18:15 شاماسىندا داۋىلدى جەل سوققانى جايلى حابار كەلٸپ تٷسكەن.
داۋىل سالدارىنان ەلەكتر باعانالارى, اعاشتار بٷللٸنگەن, سونداي-اق تۇرعىن ٷيلەردٸڭ شاتىرلارى ۇشىپ كەتكەن.
«وقيعا ورنىنا كەلگەندە ەلدٸ مەكەندە 25-30 م/س جىلدامدىقپەن سوققان جەلدٸڭ سالدارىنان 17 ەلەكتر باعاناسىنىڭ بٷلٸنگەنٸ, بٸر ٷيدٸڭ شاتىرى تولىعىمەن, ال 29 تۇرعىن ٷيدٸڭ شاتىرى ٸشٸنارا ۇشىپ كەتكەنٸ انىقتالدى. سونداي-اق اۋىل كلۋبى عيماراتىنداعى 20 شارشى مەتر اۋماقتىڭ شاتىرى بٷلٸنگەن. سونىمەن قاتار, داۋىل جىلۋ قازاندىعى عيماراتىنداعى 100 شارشى مەتر اۋماقتىڭ شاتىرىن ۇشىرىپ ەكەتكەن. زارداپ شەككەندەر جوق», - دەپ اتاپ ٶتتٸ ۆەدومستۆو.
ەلەكتر باعانالارىنىڭ بٷلٸنۋٸ سالدارىنان اۋىلدىڭ 147 ابونەنتٸ جارىقسىز قالدى. وقيعا ورنىندا «كٶكشە-ەنەرگو» جشس-نىڭ اپاتتىق توبى جۇمىس ٸستەۋدە.
سونداي-اق قۇتقارۋشىلار اتاپ ٶتكەندەي, بەستٶبە كەنتٸندە دە ٷش تۇرعىن ٷيدٸڭ شاتىرى زاقىمدالعان.
«ستەپنوگور قالاسىنىڭ ەكٸمدٸگٸ ەلدٸ مەكەندەرگە كەلگەن شىعىندى باعالاۋ ٷشٸن, تابيعي اپاتتىڭ سالدارىن جويۋ ٷشٸن كوميسسييا قۇردى», - دەدٸ وبلىستىق تجد باستىعىنىڭ ورىنباسارى قانات دوسپاەۆ.
