كٶكشەتاۋ قالاسىندا جٷكتٸ ەيەلدٸڭ مٷگەدەك بولىپ قالۋىنا كٸنەلٸ اكۋشەر-گينەكولوگ دەرٸگەرلەرگە ٷكٸم شىقتى. الايدا, مەرزٸمنٸڭ ٶتۋٸنە بايلانىستى دەرٸگەرلەر قىلمىستىق جازادان قۇتىلىپ, زالالدى عانا ٶتەيتٸن بولدى, دەپ حابارلايدى "ۇلت اقپارات".
كٶكشەتاۋ قالالىق سوتىنىڭ مەلٸمەتٸنشە, اقمولا وبلىستىق كٶپبەيٸندٸ اۋرۋحاناسى پەريناتالدىق ورتالىعىنىڭ ەكٸ اكۋشەر-گينەكولوگ دەرٸگەرٸنە قاتىستى قىلمىستىق ٸس قارالدى.
«سوت 2019 جىلدىڭ 8 مامىرىندا كٶكشەتاۋ قالاسىنداعى پەرزەنتحانا بٶلٸمشەسٸنە تٷسكەن جەبٸرلەنۋشٸنٸ ەكٸ كەزەكشٸ دەرٸگەر قاراعانىن انىقتادى. ولار ٶز تەكسەرۋ نەتيجەلەرٸ بويىنشا باسقا دەرٸگەر جٷرگٸزگەن الدىڭعى تەكسەرۋدٸڭ دەرەكتەرٸن, سونداي-اق ەيەلدٸڭ انامنەزٸنٸڭ نەتيجەلەرٸن نازارعا الماي, قىلمىستىق نەمقۇرايلىلىق تانىتا وتىرىپ, ٶز ٸس-ەرەكەتتەرٸنەن قوعامدىق قاۋٸپتٸ سالدار تۋىنداۋى مٷمكٸندٸگٸن الدىن الا بولجاماي, ۇرىقتىڭ ۇرىق قابىعىنىڭ ناقتى جاي-كٷيٸن تولىق باعالاماي, ٶز ٶكٸلەتتٸكتەرٸنٸڭ شەڭبەرٸنەن شىعىپ, بۇرىن قويىلعان دياگنوزدى نەگٸزسٸز الىپ تاستاعان. ابايسىزدىق پەن مەديتسينالىق كٶمەك كٶرسەتۋدە جٸبەرٸلگەن قاتەلٸكتەرگە بايلانىستى جەبٸرلەنۋشٸ ٸ توپ مٷگەدەكتٸگٸن الدى», - دەپ اتاپ ٶتتٸ قالالىق سوتتا.
سوت وتىرىسىندا پروكۋرور سوتتالۋشىلاردى كٸنەلٸ دەپ تانۋدى جەنە ەسكٸرۋ مەرزٸمٸنٸڭ ٶتۋٸنە بايلانىستى ولاردى قىلمىستىق جاۋاپتىلىقتان بوساتۋدى سۇرادى. جەبٸرلەنۋشٸ تاراپ ەڭ قاتاڭ جازا تاعايىنداۋدى سۇرادى. ال سوتتالۋشىلاردىڭ ٶزدەرٸ كٸنەسٸن مويىندامادى.
كٶكشەتاۋ قالالىق سوتىنىڭ ٷكٸمٸمەن ەكٸ اكۋشەر-گينەكولوگ قر قك 317-بابىنىڭ 2-بٶلٸگٸندە كٶزدەلگەن «مەديتسينا قىزمەتكەرٸنٸڭ ابايسىزدا جەنە تەرٸس پيعىلدى كٶزقاراسى سالدارىنان دەنساۋلىققا اۋىر زييان كەلتٸرۋگە ەكەپ سوققان كەسٸبي مٸندەتتەرٸن تيٸسٸنشە ورىنداماۋى» قىلمىستىق قۇقىق بۇزۋشىلىق جاساعانى ٷشٸن كٸنەلٸ دەپ تانىلدى.
«قىلمىس جاسالعان كٷننەن باستاپ ەكٸ جىلدان استام ۋاقىت ٶتتٸ. قك-نٸڭ 71-بابىنا سەيكەس ادام, ەگەر قىلمىستىق قۇقىق بۇزۋشىلىق جاسالعان كٷننەن باستاپ ونشا اۋىر ەمەس قىلمىس جاسالعاننان كەيٸن 2 جىل ٶتسە, قىلمىستىق جاۋاپتىلىقتان بوساتىلادى. سوتتالۋشىلاردى قىلمىستىق جاۋاپكەرشٸلٸككە تارتۋ مەرزٸمٸنٸڭ ٶتٸپ كەتۋٸنە بايلانىستى ولار قىلمىس جاساعانى ٷشٸن كٸنەلٸ دەپ تانىلىپ, جازادان بوساتىلدى», - دەپ تولىقتىردى قالالىق سوت.
جەبٸرلەنۋشٸ تاراپتىڭ ازاماتتىق تالاپتارى ٸشٸنارا قاناعاتتاندىرىلدى. اقمولا كٶپسالالى وبلىستىق اۋرۋحاناسىنان كەلتٸرٸلگەن ماتەريالدىق زالال 3 928 168 تەڭگە جەنە مورالدىق زييان 15 000 000 تەڭگە ٶندٸرٸلدٸ. سونداي-اق, سوتتالعانداردان ٶكٸلدٸڭ كٶمەگٸنە اقى تٶلەۋ بويىنشا 1 500 000 تەڭگە مٶلشەرٸندە شىعىستار ٶندٸرٸپ الىندى.
ٷكٸم زاڭدى كٷشٸنە ەنگەن جوق.
سونىمەن قاتار, سوت ٸس بويىنشا تەرگەۋ بارىسىندا ەۋرە-سارساڭعا جول بەرگەنٸ ٷشٸن پروكۋراتۋرا مەن پوليتسييا ورگانىنا, ال دەرٸگەرلەردٸڭ جۇمىسىندا انىقتالعان بۇزۋشىلىقتار ٷشٸن دەنساۋلىق ساقتاۋ باسقارماسىنىڭ اتىنا جەكە قاۋلىلار شىعاردى.
