بۋراباي اۋدانىنىڭ قاراشٸلٸك اۋىلىندا جەكە تۇرعىن ٷي ٶرتەنٸپ, ەكٸ ادام كٶز جۇمدى, دەپ حابارلايدى قازاقپارات وبلىستىق تٶتەنشە جاعدايلار دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
ۆەدومستۆونىڭ مەلٸمەتٸنشە, ٶرت قىركٷيەكتٸڭ 9-دا كەشكٸ ساعات 21:40 شاماسىندا بولعان. قىزىل جالىن 60 شارشى مەتر اۋماقتى شارپىدى.
«ٶرتتٸ سٶندٸرۋگە تجد جەكە قۇرامىنان 13 قىزمەتكەر جەنە 3 ٶرت سٶندٸرۋ تەحنيكاسى, بۋراباي اۋدانىنىڭ تجب جەكە قۇرامىنان 8 قىزمەتكەر جەنە 3 ٶرت سٶندٸرۋ تەحنيكاسى جۇمىلدىرىلدى. ٶرت بولعان ٷيدەن 1969 جىلعى ەر ادام مەن 1981 جىلعى ەيەلدٸڭ دەنەسٸ تابىلدى», - دەدٸ ۆەدومستۆودان.
تجد باسپاسٶز قىزمەتٸنەن اتاپ ٶتكەندەي, قازٸرگٸ كەزدە سوت-مەديتسينالىق ساراپتاما تاعايىندالىپ, ٶرت بولعان جەردە ٶرت زەرتحاناسى جۇمىس ٸستەۋدە.
كۋەگەرلەردٸڭ ايتۋىنشا, قازا تاپقاندار بۇل ٷيگە شامامەن 2 اي بۇرىن كٶشٸپ كەلگەن جەنە جەرگٸلٸكتٸ قۇس فابريكاسىندا جۇمىس ٸستەگەن.
وسى رەتتە, اقمولا وبلىستىق تٶتەنشە جاعدايلار دەپارتامەنتٸنٸڭ قىزمەتكەرلەرٸ ٶڭٸر تۇرعىندارىنا ەلەكتر سىمدارى مەن جىلىتۋ پەشتەرٸن جارامدى كٷيدە ۇستاۋ قاجەتتٸگٸن ەسكەرتەدٸ. سونداي-اق, الكوگولدٸ ٸشٸمدٸكتەردٸ شامادان تىس پايدالانۋ جەنە تٶسەكتە تەمەكٸ شەگۋگە بولمايتىنىن ەسكە سالادى.
