اقمولا وبلىسىندا قىلمىسكەرلەر زەرگەرلٸك دٷكەننٸڭ ەدەنٸن تەسٸپ توناعان

ۆيدەودان الىنعان كادرلار

اقمولا وبلىسىندا قىلمىسكەرلەر زەرگەرلٸك دٷكەننٸڭ ەدەنٸن تەسٸپ توناعان, - دەپ حابارلايدى Massaget.kz پورتالى.

Instagram-پاراقشالاردىڭ بٸرٸندە وقيعا ورنى تٷسٸرٸلگەن ۆيدەو جارييالاندى. وندا قاراقشىلار دٷكەندەگٸ بارلىق باعالى زاتتى توناپ, ەدەندٸ تەسٸپ شىققانى كٶرٸنەدٸ.

"بٷگٸن تٷندە قالالىق بازار ماڭىنداعى "زولوتينكا" زەرگەرلٸك دٷكەنٸ تونالدى. سٶرەلەردە ەشتەڭە قالماعان. شامامەن جٷز ميلليوننان اسا شىعىن بولۋى مٷمكٸن. وبلىستىق پوليتسييانىڭ باسپاسٶز قىزمەتٸ ۇرلىق دەرەگٸن راستادى. تەرگەۋ شارالارى جٷرگٸزٸلٸپ جاتىر. تولىق مەلٸمەت كەيٸنٸرەك بەرٸلەدٸ", - دەلٸنگەن جازبادا.

جەلٸ قولدانۋشىلارى دٷكەندە كٷزەتتٸڭ جوعىنا تاڭعالىپ پٸكٸر قالدىرعان.

"مىناداي جەرلەردە كٷزەت تٷنٸ بويى جۇمىس ٸستەۋ كەرەك ەمەس پە? مٸنە, جاۋابى. مىناداي جەرلەردٸ تٷنٸ بويى كٷزەتۋ كەرەك. تٸپتٸ شاعىن لومباردتاردا دا كٷزەت بار. تىم بولماسا, قوزعالىس داتچيگٸ نەمەسە دابىل بولۋى كەرەك قوي. سۇمدىق, ەرينە, بٸراق قالاي ويلاپ تاپقان", "ۇزاق دايىندالعانى كٶرٸنٸپ تۇر", "كەلٸسٸپ العان سيياقتى, ەيتپەسە ەشتەڭە سىنباعان عوي", "كينوداعىداي", - دەپ جازعان ولار.

سونداي-اق پاراقشا اۆتورلارى اقمولا وبلىستىق پوليتسييا دەپارتامەنتٸنٸڭ باسپاسٶز قىزمەتٸ ۇرلىق دەرەگٸن راستاعانىن, تەرگەۋ باستالعانىن اتاپ ٶتكەن.