© Photo: سس0 / Thorsten Frenzel
پروكۋرورلاردىڭ تەكسەرٸسٸنەن كەيٸن اۋماعى 30 مىڭ گەكتاردان اساتىن جايىلىم جەر مەملەكەتكە قايتارىلدى, دەپ حابارلايدى "ۇلت اقپارات" اقمولا وبلىسىنىڭ پروكۋراتۋراسىنا سٸلتەمە جاساپ.
بۋراباي اۋداندىق پروكۋراتۋراسى جەر زاڭناماسىنىڭ ساقتالۋىنا تالداۋ جٷرگٸزٸپ, جەرگٸلٸكتٸ فەرمەردٸڭ اۋىل شارۋاشىلىعى القاپتارىن پايدالانبايتىنىن انىقتاعان.
"تالداۋ قورىتىندىسى بويىنشا اقمولا وبلىسىنىڭ جەر رەسۋرستارىن باسقارۋ دەپارتامەنتٸنە زاڭبۇزۋشىلىقتى جويۋ تۋرالى ۇسىنىس ەنگٸزٸلدٸ.
نەتيجەسٸندە مەملەكەتكە اۋدانى 30 مىڭ گەكتاردان اساتىن, كاداسترلىق قۇنى 285 ملن تەڭگەنٸ قۇرايتىن جايىلىمدار قايتارىلدى. ول ۇزاق ۋاقىت بويى تٸكەلەي نىسانالى ماقساتى بويىنشا پايدالانىلماعان. وسىلايشا, اۋدان اۋماعىندا جايىلىم جەرلەردٸڭ تاپشىلىعى 50%-عا قىسقاردى", - دەلٸنگەن حابارلامادا..
پروكۋراتۋرا وسى باعىتتاعى جۇمىستى جالعاستىرىپ جاتىر.
