اقمولا وبلىسى دەنساۋلىق ساقتاۋ باسقارماسىنىڭ باسشىسى سٷلەن ٸلياسوۆ كوروناۆيرۋس ٸندەتٸنەن قايتىس بولعان تسەلينوگراد اۋدانىنىڭ تۇرعىنى تۋرالى دەرەكتەردٸ ايتتى, دەپ حابارلايدى "ۇلت اقپارات".
بەلگٸلٸ بولعانداي, 73 جاستاعى قارت ادامنىڭ بٸرنەشە سوزىمالى اۋرۋى بولعان. ول 2 سەۋٸر كٷنٸ قايتىس بولدى. ناۋقاستىڭ كوروناۆيرۋسقا شالدىققانى تۋرالى سوت-مەديتسينالىق ساراپتامادان كەيٸن انىقتالدى.
قايتىس بولعان 1947 جىلعى ەر ادام — تسەلينوگراد اۋدانىنىڭ تۇرعىنى. بۇعان دەيٸن ديستسيركۋلياتورلىق ەنتسەفالوپاتييا دياگنوزىمەن تٸركەۋدە تۇرعان.
باسقارما باسشىسىنىڭ سٶزٸنە قاراعاندا, بيىل 1 ناۋرىزدا ناۋقاستىڭ كٶپ اعزالىق دەرتٸنە بايلانىستى جاعدايى ناشارلاعان. بۇل رەتتە تىنىس الۋ, جٷرەك-تامىر قىزمەتٸنٸڭ جەتكٸلٸكسٸزدٸگٸ جوعارىلاپ, كٷرەتامىرلىق قىسىم دەڭگەيٸنٸڭ جوعارى بولعانى بايقالدى.
«2 سەۋٸردە ناۋقاستىڭ بيولوگييالىق ٶلٸمٸ تٸركەلٸپ, ونىڭ دەنەسٸ سوت-مەديتسينالىق ساراپتاما ٷشٸن نۇر-سۇلتان قالاسىنا جەتكٸزٸلدٸ. زەرتتەۋ جٷرگٸزۋ كەزٸندەگٸ سەكتسيوندىق ماتەريالدا COVID-19 انىقتالدى. ناۋقاس بولعان جەردە ەپيدەميياعا قارسى شارالار جٷرگٸزٸلۋدە, سونداي-اق قارىم-قاتىناستا بولعان ادامدار انىقتالۋدا», - دەدٸ س. ٸلياسوۆ.
بۇدان بۇرىن حابارلانعانداي, اقمولا وبلىسىندا كوروناۆيرۋس ينفەكتسيياسىنان بٸر ادام قايتىس بولدى.
