اقمولا وبلىسىندا ەلەكترمەن جابدىقتاۋ جٷيەسٸن قايتا قۇرۋ كەزٸندە 1,3 ملرد تەڭگەدەن استام قاراجات ۇرلاندى. ونى باس مەردٸگەر, قوسالقى مەردٸگەر, تەحنيكالىق قاداعالاۋ جەنە تسەلينوگراد اۋدانىنىڭ لاۋازىمدى تۇلعالارى قىزىلسۋات اۋىلىندا ەلەكترمەن جابدىقتاۋ جٷيەسٸن قايتا قۇرۋ كەزٸندە جىمقىرعان.
بۇل تۋرالى اقمولا وبلىسى بويىنشا ەكونوميكالىق تەرگەۋ دەپارتامەنتٸنٸڭ باسشىسى نۇرەبي تٶلەۋتاي بريفينگتە مەلٸم ەتتٸ, دەپ حابارلايدى قازاقپارات.
دەپارتامەنت باسشىسىنىڭ ايتۋىنشا, 2021 جىلى قىلمىستىق ٸستەردٸڭ اياقتالۋى 65,22 پايىزدى قۇرادى, بۇل الدىڭعى جىلمەن سالىستىرعاندا كٶپ.
«قىزىلسۋات اۋىلىندا ەلەكترمەن جابدىقتاۋ جٷيەسٸن قايتا قۇرۋ كەزٸندە 1,3 ملرد تەڭگەدەن استام سوماعا بيۋدجەت قاراجاتىن ۇرلاۋ فاكتٸسٸ بويىنشا (باس مەردٸگەر, قوسالقى مەردٸگەر, تەحنيكالىق قاداعالاۋ جەنە تاپسىرىس بەرۋشٸنٸڭ لاۋازىمدى تۇلعالارى) «رەمسترويسەرۆيس-پۆ» جشس باسشىلارى مەن تسەلينوگراد اۋدانى ەكٸمدٸگٸنٸڭ لاۋازىمدى تۇلعالارىنا قاتىستى قىلمىستىق ٸس سوتقا جولداندى», - دەدٸ نۇرەبي تٶلەۋتاي.
سونىمەن بٸرگە, ول اقمولا وبلىسى تجد باسقارما باسشىسىنا قاتىستى زاڭسىز ويىن بيزنەسٸن ۇيىمداستىرۋ فاكتٸسٸ بويىنشا لاۋازىمدى تۇلعالاردىڭ قاتىسۋىمەن قىلمىستىق ٸس سوتقا جولدانعانىن اتاپ ٶتتٸ.
بريفينگتە ايتىلعانداي, مەملەكەتتٸك باعدارلامالاردى جٷزەگە اسىرۋ, ەلەكتر ەنەرگيياسىمەن جابدىقتاۋ, ازىق-تٷلٸك جەنە دەرٸ-دەمەكپەن قامتاماسىز ەتۋ, قارجى پيراميداسىن ۇيىمداستىرۋعا قاتىستى بٸرقاتار قىلمىستىق ٸستەر قولعا الىنعان.
«تەركٸلەنگەن مٷلٸكتٸ ەسكەرە وتىرىپ, اياقتالعان قىلمىستىق ٸستەر بويىنشا ٶتەلگەن زالال سوماسى 1,6 ملرد تەڭگەنٸ قۇرادى», - دەپ تٷيٸندەدٸ نۇرەبي تٶلەۋتاي.
