اقمولا وبلىسى ادۆوكاتتار القاسىنىڭ ادۆوكاتى مەملەكەت كەپٸلدٸك بەرگەن زاڭ كٶمەگٸن كٶرسەتۋ كەزٸندە جۇمسالعان ۋاقىت تۋرالى كٶرٸنەۋ جالعان مەلٸمەتتەردٸ ەنگٸزٸپ, تەرگەۋشٸنٸڭ اتىنان 10 ملن. تەڭگەگە جۋىق سوماعا 15 جالعان قاۋلى دايىنداعان. بۇل تۋرالى ەدٸلەت مينيسترلٸگٸنٸڭ باسپاسٶز قىزمەتٸ حابارلادى.
قر ەدٸلەت مينيسترلٸگٸ قىلمىستىق قۇقىق بۇزۋشىلىقتار بويىنشا ادۆوكات كٶرسەتەتٸن مەملەكەت كەپٸلدٸك بەرگەن زاڭ كٶمەگٸن بيۋدجەت قاراجاتى ەسەبٸنەن تٶلەۋ تۋرالى قاۋلىلارعا تالداۋ جٷرگٸزدٸ.
جوعارىدا اتالعان ٸس-ەرەكەتتەردٸڭ سالدارىنان اقمولا وبلىسىنىڭ ادۆوكاتى 9,6 ملن. تەڭگەدەن استام اقشا قاراجاتىن زاڭسىز العانى انىقتالدى.
سوت ٷكٸمٸمەن ادۆوكات قر قك 190-بابىنىڭ 3-بٶلٸگٸ 1) تارماعى, 385-بابىنىڭ 1-بٶلٸگٸندە كٶزدەلگەن قىلمىستاردى جاساعانى ٷشٸن كٸنەلٸ دەپ تانىلدى.
سوت 3,5 جىلعا باس بوستاندىعىن شەكتەۋ جازاسىن تاعايىندادى.
سونداي-اق, قر قك 50-بابىنىڭ 3-بٶلٸگٸ نەگٸزٸندە ادۆوكات بەس جىل مەرزٸمگە ادۆوكاتتىق قىزمەتپەن جەنە زاڭ قىزمەتتەرٸن كٶرسەتۋ جٶنٸندەگٸ قىزمەتپەن اينالىسۋ قۇقىعىنان ايىرىلدى.
ٷكٸم زاڭدى كٷشٸنە ەندٸ جەنە ەدٸلەت مينيسترلٸگٸ ادۆوكاتقا ادۆوكاتتىق قىزمەتپەن اينالىسۋعا بەرٸلگەن ليتسەنزييانىڭ قولدانىسىن توقتاتتى.
سوتقا دەيٸنگٸ تەرگەۋ بارىسىندا ادۆوكات جىمقىرعان اقشا بيۋدجەتكە قايتارىلدى.
مينيسترلٸك وسىنداي فاكتٸلەردٸ انىقتاۋ جەنە ولارعا جول بەرمەۋ جٶنٸندەگٸ تۇراقتى نەگٸزدە جۇمىس جٷرگٸزۋدە.
«بۇدان باسقا, 2021 جىلعى سەۋٸردەن باستاپ ەلٸمٸزدٸڭ بٷكٸل اۋماعىندا مەملەكەت كەپٸلدٸك بەرگەن زاڭ كٶمەگٸنە بٶلٸنەتٸن بيۋدجەت قاراجاتىن جۇمساۋدىڭ اشىقتىعى مەن تيٸمدٸلٸگٸن قامتاماسىز ەتەتٸن «ە-زاڭ كٶمەگٸ» اقپاراتتىق جٷيەسٸ جۇمىس ٸستەيدٸ»,-دەلٸنگەن حابارلامادا.
