فوتو اشىق دەرەككٶزدەن الىندى
الماتى قالالىق تٶتەنشە جاعدايلار دەپاراتمەنتٸ باستىعىنىڭ مٸندەتٸن ورىنداۋشى ەرلان ەلٸبەكوۆ "اقكەنت" شاعىن اۋدانىندا بولعان ٶرت كەزٸندە قۇرىلىس كرانىن پايدالانۋعا قاتىستى تٷسٸنٸكتەمە بەردٸ, دەپ حابارلايدى Sputnik قازاقستان.
ٶرت سٶندٸرۋشٸلەر وقيعا ورنىنا 6 مينۋتتىڭ ٸشٸندە بارعان. بٸراق ول كەزدە اۆتوتسيستەرنالار, ياعني, سۋ تاسيتىن ماشينالار عانا بولدى. 20 مينۋتتان كەيٸن باسقا قۇرىلىمداردىڭ كٷشتەرٸ دە كەلٸپ جەتتٸ. تۇرعىنداردىڭ كٶبٸ جوعارى قاباتتا تۇرىپ, كٶمەك سۇرادى.
"قۇتقارۋشىلار اۆتوباسپالداقتار جەتكەنشە قول باسپالداقتارىن جەنە شابۋىلداۋشى باسپالداقتارىن بارىنشا پايدالاندى. ٶرت سٶندٸرۋشٸ كٶلٸكتەردەگٸ اۆتوباسپالداقتاردىڭ كٶمەگٸمەن 25 ادام قۇتقارىلدى. قۇتقارۋ وپەراتسيياسىنا قۇرىلىس كراندارى دا تارتىلدى. ونى ٶزٸڭٸز دە كٶرگەن شىعارسىز. جانىندا قۇرىلىس الاڭى بار. ول جەردە ەكٸ قۇرىلىس كرانى جۇمىس ٸستەگەن. ارنايى بەسٸگٸ دە بولدى. كرانداردىڭ كٶمەگٸمەن 20 ادام قۇتقارىلدى", - دەدٸ ەلٸبەكوۆ بٷگٸنگٸ بريفينگتە.
ونىڭ ايتۋىنشا, ٶرت سٶندٸرۋ تەحنيكاسى ٷيدٸڭ وڭتٷستٸك جاعىنان كٸرە المادى. دەل سول جاقتان ادامدار بالكوننان سەكٸرگەن. سودان جولدىڭ جيەكتاستارىن قولمەن بۇزۋعا تۋرا كەلدٸ. وعان دا ۋاقىت كەتتٸ.
"يە, كەشە بٸز اۆتوباسپالداقتى جاقىنداتا المادىق. سەبەبٸ وڭتٷستٸك جاقتان كٸرۋ مٷمكٸن بولمادى. نەگٸزٸ, 10 قاباتتان جوعارى ٷيلەرگە جان-جاقتان كٸرۋگە جولدار بولۋى كەرەك. ال كٸرەبەرٸس پەن جولدىڭ اراسى كەم دەگەندە 8 مەتر بولۋى كەرەك. كەشە جولدىڭ جيەگٸنەن 15-16 مەتر بولدى. وندايدا باسپالداقتار جەتپەي قالادى", - دەپ اتاپ كٶرسەتتٸ ەلٸبەكوۆ.
