بۇعان دەيٸن ٶزدەرٸ تۇرىپ جاتقان توعىز قاباتتى عيماراتتىڭ بٸر جاققا قاراي قيسايعانىنا شاعىمدانعان الماتىنىڭ "زەردەلٸ" (بۇرىنعى - العاباس-6) شاعىن اۋدانىنداعى №179 ٷي تۇرعىندارى بيلٸكتەن "اپاتتى ٷيدٸڭ" جارامدىلىعىن انىقتاپ, باسپانا مەسەلەسٸن شەشٸپ بەرۋدٸ تالاپ ەتٸپ وتىر.
14 جەلتوقسانعا قاراعان تٷنٸ "اپاتتى ٷيدە" ەرەڭ قونىپ شىققان تۇرعىندار سەنبٸ كٷنٸ تٷس كەزٸندە جاقىن ماڭداعى مەكتەپكە بارىپ, بيلٸك ٶكٸلدەرٸمەن تۇرعىن ٷيدٸڭ جارامدىلىعى مەسەلەسٸن تالقىلادى. تۇرعىنداردىڭ ايتۋىنشا, بٸر اپتا بۇرىن دابىل قاققان كەزدە "ەكٸمدٸك ٶكٸلدەرٸ تۇرعىن ٷي تۇرۋعا جارامدى" دەپ ايتقان. ال قازٸر عيماراتقا تٷسكەن سىزاتتار بارعان سايىن ٷلكەيٸپ بارادى. تۇرعىندار عيمارات ەسٸكتەرٸ جٶندٸ جابىلماي, بٸرتٷرلٸ دىبىستارعا دا شاعىمداندى.
قازاق قۇرىلىس جەنە سەۋلەت عىلىمي-زەرتتەۋ جەنە جوبالاۋ ينستيتۋتىنىڭ اتقارۋشى ديرەكتورى ەربول شوقپاروۆ تۇرعىندارعا سوڭعى ٷش كٷنگٸ دەرەك بويىنشا ٷيدٸڭ قيسايماي تۇرعانىن, قازٸر تاعى زەرتتەۋ جٷرٸپ جاتقانىن ايتتى. ونىڭ سٶزٸنشە, قازٸر ٷي 7,5 سانيمەترگە مايىسقان.
- باقىلاۋ جٷرگٸزٸپ جاتىرمىز. 8 سانتيمەتردەن اسسا, ديناميكا بار, قاۋٸپ بار دەگەن سٶز. ەزٸرگە ٷي تۇرۋعا جارامدى, - دەدٸ ول.
13 جەلتوقساندا تٷندە تۇرعىنداردىڭ قورقىپ, سىرتتا جٷرگەنٸ تۋرالى اقپاراتتى ەستٸگەن تٸلشٸمٸز وقيعا ورنىنا بارعان كەزدە كەيبٸر وتباسىلاردىڭ كٶشٸپ جاتقانىنا كۋە بولعان. ونداعان ادام عيماراتتىڭ ٸشٸنە كٸرە الماي سىرتتا جٷردٸ. كەيبٸر ازاماتتار "باراتىن جەر جوعىن ايتىپ" نالىعان. سەگٸزٸنشٸ قاباتتا تۇراتىن ٷش بالاسى بار ەيەلدٸڭ ايتۋىنشا, سٷتتٸ پٸسٸرۋ ٷشٸن گازعا قويعان كەزدە قازانداعى سٷت قيسايىپ, تٶگٸلگەن.
قالا ەكٸمٸنٸڭ ورىنباسارى مۇحيت ەزٸرباەۆ ازاتتىق تٸلشٸسٸنە "پروبلەما جوق ەمەس - بار, تەك قازٸر سونىڭ دەڭگەيٸن انىقتاپ جاتىرمىز" دەگەن.
2013 جىلى "قولجەتٸمدٸ باسپانا" مەملەكەتتٸك باعدارلاماسى بويىنشا پايدالانۋعا بەرٸلگەن بۇل تۇرعىن ٷيدە 72 پەتەر بار.
الماتىدا "ٷيلەردٸڭ قيسايۋ مەسەلەسٸ" وسىدان بٸرنەشە جىل بۇرىن دا بايقالعان. 2016 جىلى العاباستاعى توعىزقاباتتى تۇرعىن ٷيدٸڭ 32 سانتيمەترگە قيسايعانى انىقتالىپ, جەرگٸلٸكتٸ بيلٸك ولاردى سٷرۋ كەرەك دەپ مەلٸمدەگەن.
