الماتى وبلىسىنىڭ ەكٸمدٸگٸ قازاقستاننىڭ ون توعىز ميلليونىنشى ازاماتى اتانعان جەنييا ازاماتقىزىنىڭ وتباسىنا 1 ميلليون تەڭگەنٸڭ سەرتيفيكاتىن تارتۋ ەتتٸ, دەپ حابارلايدى ٶڭٸر ەكٸمدٸگٸنٸڭ باسپاسٶز قىزمەتٸ.
الماتى وبلىسى ەكٸمٸنٸڭ ورىنباسارى ارسلان دەندٸباەۆ پەن ٸلە اۋدانىنىڭ ەكٸمٸ باعدات قاراساەۆ سەبيدٸڭ وتباسىمەن كەزدەستٸ. شەنەۋنٸكتەر قىزدىڭ اتا-اناسىن قۋانىشتى كٷنمەن قۇتتىقتاپ, مىقتى دەنساۋلىق جەنە باقىتتى عۇمىر تٸلەدٸ.
سونداي-اق وتباسىنا وبلىس ەكٸمٸنٸڭ اتىنان قۇتتىقتاۋ حات پەن 1 ميلليون تەڭگەنٸڭ سەرتيفيكاتىن تابىستادى. بۇدان بٶلەك, بالالار ارباسىن, سەبي كٷتٸمٸنە ارنالعان جيىنتىق, جەمٸس-جيدەك سەبەتٸ مەن باسقا دا سىيلىقتار سىيلادى.
جەنييانىڭ ەكەسٸ ازامات نۇرعاليەۆتٸڭ ايتۋىنشا, بۇل بٷكٸل وتباسى ٷشٸن كٷتپەگەن وقيعا بولدى.
"بٸز باسىندا سەنگەن جوقپىز, قاتەلەسٸپ كەتكەن شىعار دەپ ويلادىق. ۋچاسكەلٸك دەرٸگەر حابارلاسىپ, بٸزدٸ ەكٸمدٸك ٸزدەپ جاتقانىن ايتقاندا عانا سەندٸك. بٸز قىزىمىزدى قازاقستاننىڭ لايىقتى ازاماتى ەتٸپ تەربيەلەۋگە تىرىسامىز", - دەدٸ ول.
ال نەرەستەنٸڭ اناسى نازگٷل كٶبەنتاەۆا جەنييا ول ٷشٸن ەرەكشە بالا ەكەنٸن اتاپ ٶتتٸ.
"جەنييانى بٸز بەس-التى جىل كٷتتٸك. قىزىمىز دٷنيە ەسٸگٸن اشقان سەتتەن باستاپ بٷكٸل قازاقستانعا تانىمال بولدى, بولاشاقتا دا بەلگٸلٸ ازامات بولادى دەگەن ٷمٸتتەمٸن", - دەدٸ كەلٸنشەك.
20 ماۋسىم كٷنٸ الماتى قالاسىنىڭ پەرزەنتحاناسىندا قازاقستاننىڭ 19 ميلليونىنشى تۇرعىنى دٷنيەگە كەلدٸ.
سەبي تٷنگٸ ساعات ەكٸدە تۋدى, سالماعى – 4160 گرامم , ال بويى – 57 سم.
نەرەستەنٸڭ اتا-اناسى – 1982 جىلعى ازامات نۇرعاليەۆ پەن 1986 جىلعى نازگٷل كٶبەنتاەۆا الماتى وبلىسى ٸلە اۋدانى چاپاەۆو اۋىلىندا تۇرادى.
جەنييا ازاماتقىزى – وتباسىنداعى تٶرتٸنشٸ بالا.
3 تامىز كٷنٸ پرەزيدەنت قاسىم-جومارت توقاەۆ Twitter-دە قازاقستان حالقى 19 ميلليون ادامعا جەتكەنٸن حابارلادى. مەملەكەت باسشىسى ون توعىز ميلليونىنشى ازاماتتىڭ اتا-اناسى مەن قازاقستاندىقتاردى وسى قۋانىشپەن قۇتتىقتادى.
