فوتو: Akorda.kz
پرەزيدەنت قاسىم-جومارت توقاەۆ ەلٸمٸزدٸڭ ەلەۋمەتتٸك-ەكونوميكالىق دامۋ مەسەلەلەرٸ جٶنٸندەگٸ كەڭەيتٸلگەن كەڭەستە قالالاردىڭ ينفراقۇرىلىمى مەن جايلىلىعىن سىنعا الىپ, ولاردى اباتتاندىرۋعا بارىنشا نازار اۋدارۋعا شاقىردى, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
"قالالارىمىزدىڭ كٶرٸنٸسٸ ناشار, مويىنداۋىمىز كەرەك. ويىن الاڭدارى جابدىقتالماعان, ٷيلەردٸڭ توزىعى جەتكەن. بيۋدجەتتەرٸ ەلدەقايدا از بولسا دا, شەتەلدەگٸ, ەسٸرەسە شىعىس ەۋروپاداعى, بالقانداعى قالالار ٶتە ەدەمٸ كٶرٸنەدٸ.
بۇل مۋنيتسيپال بيلٸكتٸڭ جۇمىسى بولسا كەرەك, ەكٸنشٸ جاعىنان, بۇل - قالا تۇرعىندارىنىڭ تۇرعىلىقتى جەرٸنە دەگەن كٶزقاراسى. قالا تۇرعىندارى ٶز كٶشەلەرٸ مەن ٷيلەرٸنە نەمقۇرايدى قارايدى دەگەن مەسەلە تۋىنداپ تۇر. ال بۇل ەلٸمٸزدٸڭ يميدجٸ مەن بەدەلٸن تٷسٸرەدٸ. ايتپاقشى, مۇنداي مەسەلە ەلورداعا دا قاتىستى", - دەدٸ مەملەكەت باسشىسى.
توقاەۆ ەلوردانىڭ جوعارى مەرتەبەسٸنە قالانىڭ ورتالىعى عانا ەمەس, ونىڭ شەتكٸ بٶلٸگٸ دە ساي بولۋى كەرەگٸن بٸرنەشە رەت ايتقانىن ەسكە سالدى.
"مويىندايىق, ەزٸرگە بٸزدٸڭ قالالار ٶتە ناشار كٶرٸنەدٸ. مۇندا بارلىق دەڭگەيدەگٸ ەكٸمدەر, مەسليحاتتار ٶكٸلدەرٸ وتىر. نازار اۋدارىڭىز.
جاقىندا تەلەديداردان سەمەيدەگٸ بالالار الاڭى تۋرالى سيۋجەتتٸ كٶرسەتتٸ. بۇل الاڭدى پايدالانۋ قاۋٸپتٸ. ەكٸمدەر ٶز قالالارى مەن ەلدٸ مەكەندەرٸندە جاياۋ جٷرۋٸ كەرەك. بۇل ەلورداعا دا قاتىستى", - دەدٸ پرەزيدەنت.
