بٷگٸن الماتىدا «سوڭعى ٷكٸم» فيلمٸنٸڭ تٷسٸرٸلٸمٸ باستالدى, دەپ حابارلايدى قازاقپارات.
كارتينا قر مەدەنيەت جەنە سپورت مينيسترلٸگٸنٸڭ تاپسىرىسى بويىنشا ۇلتتىق كينونى قولداۋ مەملەكەتتٸك ورتالىعىنىڭ قولداۋىمەن شىعارىلۋدا.
فيلم قازاقتىڭ كٶرنەكتٸ اعارتۋشىسى, قوعام قايراتكەرٸ جەنە ساياسي پۋبليتسيست احمەت بايتۇرسىنوۆتىڭ 150 جىلدىعىنا ارنالعان.
تٷسٸرٸلٸم توبىن ەرلان نۇرمۇحامبەتوۆ پەن ەرگەن توقمۋرزين باسقارادى. نۇرمۇحامبەتوۆ - «جاڭعاق اعاشى» فيلمٸ ٷشٸن پۋسان حالىقارالىق كينوفەستيۆالٸ (وڭتٷستٸك كورەيا) «جاڭا اعىمدار» سەكتسيياسىنىڭ گران-پري يەگەرٸ. رەجيسسەردٸڭ «ۋاقىت جولدارى» اتتى سوڭعى كارتيناسى وسى جىلى فرانتسييادا پروكاتقا شىقتى. ونىڭ سەرٸكتەسٸ ەرگەن توقمۋرزين كٶپتەگەن دەرەكتٸ فيلمدەردٸڭ قويۋشى رەجيسسەرٸ بولعان.
كارتينانىڭ سيۋجەتٸ احمەت بايتۇرسىنوۆتىڭ ٶمٸرٸنٸڭ بارلىق كەزەڭدەرٸن قامتيدى.
باستى رٶلدە – قازاقستاننىڭ ەڭبەك سٸڭٸرگەن قايراتكەرٸ ازامات ساتىبالدى.
«بۇل - ۇلت ۇستازى احمەت بايتۇرسىنوۆ تۋرالى فيلم. ونىڭ ٶمٸرٸ, قوعامداعى ٸستەرٸ جەنە ەڭ باستىسى, ونىڭ كٷرەسٸ تۋرالى. بۇل - مەملەكەتتٸڭ ارنايى تاپسىرىسىمەن تٷسٸرٸلٸپ جاتقان ٷلكەن جوبا. بايتۇرسىنوۆ – بٸزدٸڭ ماقتانىشىمىز. مەنٸڭ ويىمشا, بٸزدٸڭ جاس ۇرپاق وسىنداي فيلمدەردٸ كٶرۋٸ تيٸس. ٶيتكەنٸ, احمەت اعانىڭ جاساعان ٸستەرٸ, الاش وردا قايراتكەرلەرٸنٸڭ ەرلٸگٸ – بٷگٸن كەزدەسپەيتٸن باتىلدىق. سوندىقتان سول كەزدەگٸ وقيعالاردى زاماناۋي كٶرەرمەنگە كٶرسەتۋ كەرەك», - دەيدٸ اكتەر ازامات ساتىبالدى تٷسٸرٸلٸم الاڭىندا بٸزگە بەرگەن سۇحباتىندا.
سونداي-اق, كارتيناعا نازگٷل قارابالينا, الەكساندر باگريانتسەۆ جەنە ەرلان كەرٸباەۆ تٷسۋدە.
تٷسٸرٸلٸمنٸڭ نەگٸزگٸ لوكاتسييالارى – الماتى قالاسى جەنە شىعىس قازاقستان وبلىسى. قويۋشى وپەراتور – مارس وماروۆ. باس پروديۋسەر – داستان اتىعاەۆ. ستسەناريي اۆتورى – عالىم دوسكەن. جىل سوڭىنا دەيٸن اۆتورلار 14 اۋىسىمدى تٷسٸرۋدٸ جوسپارلاپ وتىر. فيلمنٸڭ نەگٸزگٸ بٶلٸگٸ كەلەسٸ جىلى تٷسٸرٸلەدٸ.
