15 ماۋسىم كٷنٸ ينگۋشەتييانىڭ قارابۇلاق قالاسىندا قايعىلى وقيعا بولدى, دەپ حابارلايدى ult.kz.
الدىن الا مەلٸمەت بويىنشا, 8 جاستاعى حيزير دەربيچەۆ سۋعا باتىپ بارا جاتقان دوسىن قۇتقارۋ ٷشٸن سۋنجا ٶزەنٸنە سەكٸرگەن. ەكٸنشٸ بالانى ەرەسەكتەر امان الىپ قالعانىمەن, حيزيردٸ قاتتى اعىس الىپ كەتكەن.
التى تەۋلٸك ٶتسە دە بالا ەلٸ تابىلعان جوق. ٸزدەۋ جۇمىستارىنا تجم قۇتقارۋشىلارى مەن سولتٷستٸك كاۆكاز ٶڭٸرلەرٸنەن كەلگەن ەرٸكتٸلەردٸ قوسا العاندا 20 مىڭنان استام ادام جۇمىلدىرىلعان.
ماماندار ٶزەن تٷبٸن تەكسەرۋ ٷشٸن سۋ دەڭگەيٸن تٶمەندەتۋ جۇمىستارىن جٷرگٸزۋدە. ال ەرٸكتٸلەر قولايسىز اۋا رايىنا قاراماستان ٶزەن ارناسىن جاياۋ شولىپ جاتىر.
حيزيردٸڭ ەرلٸگٸ كٶپشٸلٸكتٸڭ جٷرەگٸن تەبٸرەنتتٸ. قازٸرگٸ ۋاقىتتا ٸزدەۋ جۇمىستارى جالعاسۋدا.
