تٷركييا ەلٸنٸڭ استاناسى انكارا قالاسىندا قازاقستان جازۋشىلار وداعى باسقارما تٶراعاسىنىڭ بٸرٸنشٸ ورىنباسارى, "دارىن" مەملەكەتتٸك جاستار سىيلىعىنىڭ يەگەرٸ, بەلگٸلٸ اقىن اقبەرەن ەلگەزەكتٸڭ تٷرٸك تٸلٸندە شىققان "Fantasmagoria" اتتى جىر جيناعىنىڭ تۇساۋكەسەر رەسٸمٸ ٶتتٸ, دەپ حابارلايدى "ۇلت اقپارات".
شارا تٷركسوي حالىقارالىق ۇيىمىنىڭ شتاب-پەتەرٸندە ۇيىمداستىرىلدى. كٸتاپ اۆتورلىق قۇقىقتاردى قورعايتىن ILESAM ۇيىمىنىڭ قارجىلاندىرۋىمەن جارىق كٶرٸپ وتىر. جيناقتاعى ٶلەڭدەردٸ تٷرٸك تٸلٸنە جاس اۋدارماشى بالسان مەدٸ تەرجٸمالاعان.
جيىن بارىسىندا ILESAM قالامگەرلەر اسسوتسياتسيياسىنىڭ مٷشەسٸ يلتەر ەشٸلاي اقىننىڭ تۋىندىلارىن جان-جاقتى تالداپ, ارنايى بايانداما جاسادى. سونداي-اق, ەزەربايجاننىڭ تالانتتى اقىنى حايال رزا جىلى لەبٸزٸن بٸلدٸرٸپ, ٶز ويىمەن بٶلٸستٸ.
وسى كەشتە باۋىرلاس ەزەربايجان-تٷرٸك اۆتورلارىنىڭ “وتان جايلى ٶلەڭدەر” اتتى انتولوگيياسىنىڭ دا تۇساۋكەسەرٸ ٶتتٸ.
"ازييا فورۋمى كەزٸندە ILESAM-نىڭ باسشىسى ابايدان باستاپ 100 قازاق شايىرىنىڭ ٶلەڭدەرٸن تٷرٸك تٸلٸنە اۋدارىپ, كٸتاپ قىپ شىعارۋعا ۋەدە بەرگەن. قازٸر بۇل انتولوگييانى دايىنداۋ جۇمىسى قارقىندى جٷرٸپ جاتىر. تەڭٸرٸ بۇيىرسا, جيناق الداعى جىلدا جارىق كٶرەدٸ. سول كٷنگە تەڭٸرٸم بارشامىزدى امان-ەسەن جەتكٸزسٸن دەيمٸز.
بۇل كٸشكەنتاي ەڭبەگٸمٸز دە ەكٸ ەل اراسىنداعى رۋحاني بايلانىستارىمىزدىڭ دامۋىنا تامشىداي بولسا پايداسىن تيگٸزسە, وسى ٶمٸردە بەكەر جٷرگەن جوقپىز. بۇيىرسا, الانييادا “مۇراجاي-پوەزييا-مەدەنيەت” كونفەرەنتسيياسىنا قاتىسىپ, قازاق ەدەبيەتٸنٸڭ دامۋى تۋرالى بايانداما جاساماقپىن", - دەپ جازدى اقبەرەن ەلگەزەك شارادان سوڭ.
