ادام نەسٸلٸ جاراتىلعالى بەرٸ جەر بەتٸنە ميلليارداعان ادامنىڭ تابانى تيدٸ, بۇل سۇلۋ پلانەتانىڭ عاجاپتىعىن ميللياردتاعان جانار كٶردٸ, ميلليونداعان جىلدار ٶتسە دە, مىڭداعان ٶركٶكٸرەك پاتشا بيلٸگٸن مەڭگٸ جٷرگٸزگٸسٸ كەلدٸ. ادام بٸرٸن بٸرٸ اتتى, شاپتى, بٸلگەنٸن ٸستەدٸ. ادامزات جاراتىلعالى ەش ٶزگەرمەيتٸن زاڭدىلىقتار. تەك كيەتٸن كيٸمنٸڭ موداسى, مٸنەتٸن كٶلٸگٸ, پايدالانتىن تەحنولوگييالارى عانا ٶزگەرگەن شىعار. ادامزات دامۋ تاريحىندا گۋمانيزمنٸڭ شىڭىنا جەتتٸ دەپ بٶگدەپلانەتالىقتارعا بٶسە المايتىنىمىز تاعى ٶكٸنٸشتٸ.
سول ميللياردتاعان بەيشارا پەندەلەردٸڭ قانشاسىنىڭ داۋىسى دا ەستٸلمەي, جاقسىلىعى دا ەلەنبەي ٶمٸرٸن سٷرٸپ, قارتايىپ-سولىپ, قۋراپ-بٸتٸپ, دەم-تۇزى بٸتكەن شاقتا تەڭٸرٸسٸنە قاراي بٸر ۋىس نۇر بولىپ قايتادان ۇشتى دەسەڭٸزشٸ. ال, سول سانسىز ادامداردىڭ ٸشٸندە ٶزٸنٸڭ جارىق ٸزٸن قالدىرىپ كەتكەندەر كٶپ ەمەس.
سونىڭ بٸرٸ نادەجدا رۋشەۆا. 12 جاسىندا العاشقى سۋرەت كٶرمەسٸن ٶتكٸزگەن حاس تالانت بار جوعى 17 جىل عانا عۇمىر كەشتٸ. نادەجدا ۇلان-باتىردا دٷنيەگە كەلٸپ, مىنا جالعانمەن مەسكەۋ قالاسىندا قوشتاسىپ كەتە باردى. ەكەسٸ دە سۋرەتشٸ ەكەن, شەشەسٸ تىۆالىق بالەرينا بولىپتى. تٷرٸ دە ناعاشىلارىنا تارتىپ كەتكەنٸ بايقالادى. كەيبٸر سۋرەتتەرٸندە تٷركٸلٸك سارىن دا انىق اڭعارىلادى.
ناديا 5 جاسىنان سۋرەت سالۋدى باستاعان. 7 جاسىندا كٶركەمسۋرەت ٶنەرٸمەن كەسٸبي تٷردە شۇعىلدانۋعا دەن قويىپتى. تٸپتٸ بٸر كەشتٸڭ ٶزٸندە پۋشكيننٸڭ "سالتان پاتشا تۋرالى" ەرتەگٸسٸنە 36 يلليۋستراتسييا سالىپ شىققان ەكەن. جەنە بۇل جاس بالانىڭ شيماي-شاتپاعى ەمەس, كەدۋٸلگٸ سۋرەتشٸنٸڭ جۇمىستارىنان ارتىق بولماسا, كەم ەمەستۇعىن. ونى ناديا ەرتەگٸنٸڭ تىڭداپ وتىرىپ سالعان دەيدٸ. نە دەگەن فانتازييا دەسەڭٸزشٸ! قىسقا ۋاقىت ٸشٸندە كەيٸپكەرلەردٸڭ تٷرٸن ەلەستەتٸپ, مٸنەزٸن بايقاپ, ونى قاعازعا كٶشٸرە قويۋ ٷشٸن دە سۇمدىق تالانت كەرەك-اۋ!
ناديا 13-14 جاسىندا تولستويدىڭ "سوعىس جەنە بەيبٸتشٸلٸك", بۋلگاكوۆتىڭ "ماستەر جەنە مارگاريتا" كٸتاپتارىنا يلليۋستراتسييا جاسايتىن حەلگە جەتتٸ. بۇدان كەيٸن ناديانىڭ كٸتاپ گرافيگٸ رەتٸندە اتاعى دٷركٸرەي جٶنەلدٸ. ناديا باس-اياعى 50-دەن استام ەرتٷرلٸ اۆتورلاردىڭ شىعارمالارىنداعى كەيٸپكەرلەرٸن قاعاز بەتٸنە سۋرەت تٷرٸندە كٶشٸرٸپتٸ.
كەيٸن ونىڭ قاعازدارىنىڭ اراسىنان "اننا كارەنينا" اتتى بالەتتٸڭ ەسكيزٸ تابىلعان ەكەن. بٸراق ونداي بالەت ول كەزدە ساحنالانباق تٷگٸلٸ, ويدا دا جوق بولعان دەيدٸ. كەيٸن ماييا پليسەتسكايا بيلەگەن جاڭاعى بالەت كٶپ جىلدان كەيٸن ساحنا تٶرٸنە شىعارىلىپتى. بۇل نە ەۋليەلٸك پە? بەرٸ دە مٷمكٸن!
ونىڭ سۋرەتتەرٸ بٸردەن اق قاعازعا كٶشٸرٸلەتٸن دەيدٸ كٶزٸن كٶرگەندەر. ەشقاشان ٶشٸرگٸش پايدالانباپتى جارىقتىق. "...ولار (سۋرەتتەر - اە) قاعازدىڭ بەتٸندە سۋداعى تاڭبالار سيياقتى قالقىپ شىعا كەلەدٸ, مەن تەك ولاردى بوياي سالامىن" - دەيدٸ ەكەن ناديا رۋشەۆا.
17 جاسىندا ينسۋلتتان قايتىس بولعان ناديانىڭ ارتىندا 12 000 سۋرەت قالىپتى! بۇل ونىڭ قىسقا عانا عۇمىرىندا اسىعىس ەڭبەك ەتٸپ, ادامزاتقا تارتۋ ەتٸپ كەتكەن باعا جەتپەس مۇراسى. ونىڭ سىرتىندا كٶرٸنگەن جەرگە سالا سالعان سۋرەت, بٸرەۋگە سىيعا سالىپ بەرە سالعان بەينەلەر, شتريحتار, ەتيۋد, ناتيۋرمورتتار, كٶرمەلەردەن قايتپاي قالعان تۋىندىلاردا ەسەپ جوق.
ناديا سەنت-ەكزيۋپەريدٸڭ "بالعىن حانزاداسىنىڭ" بەينەسٸن كٶپ سالعان كٶرٸنەدٸ. مٷمكٸن بالا سۋرەتشٸ بالعىن حانزادانىڭ بەينەسٸنەن ٶزٸن كٶرگەن بە ەكەن. ٶيتكەنٸ شىنىمەن دە ناديا ٶمٸردە بولماعان ادام سيياقتى, ەكزيۋپەريدٸڭ حانزاداسى سەكٸلدٸ بۇل دا ادامزات ويدان قۇراپ العان اللەگورييا, ەسەمدٸككە قۇشتار سانانىڭ قييالى عانا بولىپ كٶرٸنەدٸ ماعان...
اقبەرەن ەلگەزەك
