كٶرنەكٸ سۋرەت اشىق دەرەككٶزدەن الىندى
مەجٸلٸستٸڭ جالپى وتىرىسىندا دەپۋتاتتار ۇقك تٶراعاسىنىڭ ورىنباسارى مارات قالقاباەۆقا كۋرسانتتار مەن كوميتەت قىزمەتكەرلەرٸ اراسىنداعى قۇمار ويىندارعا قاتىستى مەسەلە تۋرالى سۇرادى, - دەپ حابارلايدى Tengrinews.kz سايتى.
دەپۋتات ماگەررام ماگەرراموۆ بۇل كەلەڭسٸزدٸك فورما كيگەن ادامداردى دا اينالىپ ٶتپەگەنٸن ايتىپ, جاقىندا الماتىدا ۇقك اكادەميياسىنىڭ كۋرسانتى ٶز-ٶزٸنە قول جۇمساعانىن ەسكە الدى.
"جٸگٸتتٸڭ وتباسىنا كٶڭٸل ايتامىز. ۇقك اكادەميياسىنا وقۋعا تٷسۋ كەزٸندە ٷمٸتكەرلەر پسيحولوگييالىق تەستٸلەۋدەن, پوليگرافتان ٶتەدٸ. وسىعان بايلانىستى كۋرسانتتاردىڭ قۇمار ويىندارعا دەگەن تەۋەلدٸلٸگٸ قاداعالانىپ جاتىر ما جەنە ودان قالاي ساقتانۋعا بولادى? مۇنداي جاعدايلار بولاشاقتا تاعى قايتالانباۋى ٷشٸن قانداي جۇمىستار ٸستەلٸپ جاتىر?" - دەپ سۇرادى دەپۋتات ۇقك تٶراعاسىنىڭ ورىنباسارىنا.
مارات قالقاباەۆ پوليتسييا تەرگەپ جاتقان كۋرسانتتىڭ ٶز-ٶزٸنە قول جۇمساۋ فاكتٸسٸ بويىنشا قوزعالعان قىلمىستىق ٸسپەن قاتار ۇقك ٶزٸنٸڭ قىزمەتتٸك تەرگەۋٸن دە جٷرگٸزگەنٸن ايتتى.
"ۇلتتىق قاۋٸپسٸزدٸك ورگاندارىنا كٸرەبەرٸستە ٷمٸتكەرلەر ٶتٸرٸك دەتەكتورىندا جان-جاقتى, ونىڭ ٸشٸندە پسيحولوگييالىق تەكسەرۋدەن ٶتەتٸنٸن ٶزٸڭٸز دە اتاپ ٶتتٸڭٸز. الداعى ۋاقىتتا اكادەمييانىڭ قىزمەتكەرلەرٸ, ستۋدەنتتەرٸ باقىلاناتىن بولادى. بٸزدە قاۋٸپسٸزدٸك بٶلٸمدە پسيحولوگييالىق قىزمەت پەن جەكە قۇرام بار. مۇنىڭ بارلىعى قازٸر ساراپتالىپ, ەلەۋلٸ تٷزەتۋلەر ەنگٸزٸلدٸ. مۇنىڭ بارلىعى, ٶزٸڭٸز ايتقانداي, قۇمار ويىنىنىڭ سالدارى. ول بٸزگە دە كەلدٸ. بۇل - كوميتەتتٸڭ, اكادەمييانىڭ تاريحىنداعى العاشقى جاعداي. لۋدومانييا - قۇمار ويىنعا دەگەن تەۋەلدٸلٸك بٸردەن پايدا بولمايدى. بٸرتە-بٸرتە پايدا بولاتىنى ايتىلادى. ەڭ باستىسى - ادامنىڭ قۇمار ويىنعا كٸرٸسكەن سەتٸن دەر كەزٸندە انىقتاۋ. مٸنە, بٸزدٸڭ باستى مەسەلەمٸز. ول ٷشٸن قاجەتتٸ شارالاردى قابىلدادىق", - دەدٸ ۇقك تٶراعاسىنىڭ ورىنباسارى.
بۇعان جاۋاپ رەتٸندە دەپۋتات رۋسلان بەردەنوۆ ارنايى قىزمەتتٸڭ بولاشاق جەنە قازٸرگٸ قىزمەتكەرلەرٸنٸڭ قاتارىندا مۇنداي جاعدايلار تولعىمەن توقتاتىلاتىنىنا قارسىلىق بٸلدٸردٸ.
"بۇل بٸر عانا جاعداي ەمەس. بۇل جاعدايعا قاتىستى كٸشٸگٸرٸم ەسەپ جاساپ قانا قويماي, ٷلكەن جۇمىس ٸستەسەڭٸزدەر دۇرىس بولادى. سەبەبٸ بۇل ەسكەري ورىندارداعى ٶتە ٷلكەن پروبلەما. مەن كٷنٸگە ەرتٷرلٸ حات الىپ تۇرامىن. دەپۋتاتتار رەتٸندە ادامدارمەن بٶلەك كەزدەسٸپ جٷرمٸز. بۇل ٶتە كٷردەلٸ پروبلەما. وسىنى اڭعارىپ, ٶزدەرٸڭٸز ٷشٸن دۇرىس باعا قويىڭىزدار", - دەدٸ دەپۋتات بەردەنوۆ مەجٸلٸس وتىرىسىندا.
ۇقك تٶراعاسى ورىنباسارىنىڭ ايتۋىنشا, ولار بۇل مەسەلەدەن حاباردار جەنە شارا قولدانىپ جاتىر.
"بەرٸن تٷسٸنٸپ وتىرمىز, بەرٸن بٸلٸپ وتىرمىز. قولدان كەلگەن شارانىڭ بەرٸن ٸستەيمٸز. پروبلەمانى بٸلەمٸز. شۇعىل جەنە جاۋاپتى شەشٸمدەر قابىلدايمىز", - دەيدٸ ۇقك ٶكٸلٸ مەجٸلٸستە.
مەجٸلٸستەگٸ ەرٸپتەسٸنە دەپۋتات ايگٷل قۇسپان دا جاۋاپ بەردٸ.
"بٸز بۇل مەسەلەنٸ دە زەرتتەدٸك. بۇل ۇلتتىق قاۋٸپسٸزدٸك جٷيەسٸندە بٸرٸنشٸ رەت بولىپ وتىر. ٶكٸنٸشكە قاراي, مۇنداي جاعدايلار ەسكەردە جەنە ۇلتتىق ۇلاندا بۇرىن دا بولعان", - دەدٸ ول.
