«اق جول» پارتيياسى ٷشٸن پارلامەنتتٸك وپپوزيتسييا ينستيتۋتىن ەنگٸزۋ ٶتە ماڭىزدى. بۇل تۋرالى پارتييا تٶراعاسى, قر پارلامەنتٸ مەجٸلٸسٸنٸڭ دەپۋتاتى ازات پەرۋاشەۆ پٸكٸر بٸلدٸردٸ, دەپ حابارلايدى قازاقپارات.
«مەملەكەت باسشىسىنىڭ سايلاۋ ٶتكٸزۋ تۋرالى بٷگٸنگٸ شەشٸمٸ بٸز ٷشٸن توسىن جاعداي بولعان جوق. اسىلىندا, مۇنى بەرٸ كٶپتەن كٷتتٸ. تٸپتٸ سايلاۋدىڭ مەرزٸمٸنەن بۇرىن ەمەس, ەدەتتەگٸ مەرزٸمدە ٶتۋٸ دە – سيرەك كەزدەسەتٸن جاعداي. بۇل مەجٸلٸستٸڭ قازٸرگٸ قۇرامىنا تولىق مەرزٸمٸن اياقتاۋعا مٷمكٸندٸك بەرەدٸ. «اق جول» پارتيياسى دا كەز كەلگەن جاۋاپتى ساياسي پارتييا سەكٸلدٸ بۇل سايلاۋعا دايىن. كەز كەلگەن پارتييا الدىڭعى سايلاۋ اياقتالعان سوڭ, بٸردەن كەلەسٸ سايلاۋ دايىندىعىنا كٸرٸسۋٸ كەرەك. جەنە «اق جول» پارتيياسى بۇل سايلاۋعا 2016 جىلدان بەرٸ دايىندالىپ كەلەدٸ. قالاي دايىندالدى? ەڭ الدىمەن مەجٸلٸستەگٸ, مەسليحاتتارداعى دەپۋتاتتارىمىزدىڭ قىزمەتٸ ارقىلى ٶز كٶزقاراستارىمىز بەن ۇستانىمدارىمىزدى جٷزەگە اسىردىق. بٷگٸندە مەسليحاتتاردا 50-گە جۋىق دەپۋتاتىمىز بار. وسى ۋاقىت ٸشٸندە بٸز قورعاپ كەلگەن قاعيدالار – ۇلتتىق مٷددە مەسەلەلەرٸ, نارىقتىق رەفورمالاردى دامىتۋ جەنە جەكە كەسٸپكەرلٸكتٸ قولداۋ مەسەلەلەرٸ, سىبايلاس جەمقورلىققا قارسى كٷرەس مەسەلەلەرٸ, پارلامەنتاريزمدٸ, پارلامەنتاريزم ينستيتۋتتارىن قوعامنىڭ كٷندەلٸكتٸ ٶمٸرٸنە ەنگٸزۋ مەسەلەلەرٸ قازٸر دە ەلٸمٸزدە سۇرانىسقا يە جەنە ٶزەكتٸ دەپ ەسەپتەيمٸز», - دەدٸ دەپۋتات ەلوردادا تٸلشٸلەرگە بەرگەن سۇحباتىندا.
ونىڭ ايتۋىنشا, پرەزيدەنت قاسىم-جومارت توقاەۆ ٶز ٷندەۋٸندە اتاپ ٶتكەن نوۆەللالار «اق جول» پارتيياسىنىڭ كٶزقاراستارىنا سەيكەس كەلەدٸ. پارتييا ٷشٸن پارلامەنتتٸك وپپوزيتسييا ينستيتۋتىن ەنگٸزۋ جەنە ونىڭ ساياسي قۇقىقتارىن ٸسكە اسىرۋ كەپٸلدٸكتەرٸن بەكٸتۋ ٶتە ماڭىزدى.
«ٶتكەن كەزەڭدە «اق جول» پارتيياسى ٶز تەجٸريبەسٸندە وسى كەپٸلدٸكتەردٸڭ جەتٸسپەيتٸنٸن سەزٸندٸ, پٸكٸرتالاس كەزٸندە دەپۋتاتتاردىڭ ميكروفونىن ٶشٸرٸپ تاستايتىن. ەندٸ مەملەكەت باسشىسىنىڭ تاپسىرماسىمەن پارلامەنتتٸك وپپوزيتسييا ينستيتۋتى ەنگٸزٸلگەن سوڭ, مۇنداي جايتتاردىڭ بولمايتىنىنا سەنٸمدٸمٸن», - دەيدٸ دەپۋتات.
سونىمەن بٸرگە, ا.پەرۋاشەۆ مەسليحاتتارعا پارتييالىق تٸزٸم بويىنشا سايلاۋدىڭ جەرگٸلٸكتٸ جەردەگٸ بارلىق پارتييا ٶكٸلدەرٸنە ٶز مٷمكٸندٸكتەرٸن ٸسكە اسىرۋعا مٷمكٸندٸك بەرەتٸنٸن اتاپ ٶتتٸ. مەسليحاتتاردا تٷرلٸ پارتييا ٶكٸلدەرٸنٸڭ پايدا بولۋى پٸكٸرتالاستى جانداندىرىپ, قوعامنىڭ بارلىق توپتارىنىڭ مٷددەلەرٸن بارىنشا تولىق قامتىلۋىنا كٶمەكتەسەدٸ.
سٶز سوڭىندا دەپۋتات ەيەلدەر مەن جاستار ٷشٸن 30 پايىزدىق كۆوتا ەنگٸزۋ بويىنشا ٶز پٸكٸرٸن بٸلدٸردٸ.
«اق جول» پارتيياسىنىڭ پارلامەنتتٸك فراكتسيياسىندا ەيەلدەر 40 پايىزدى قۇرايدى جەنە بۇل ەشقانداي كۆوتاسىز, پارتييانىڭ ٶز ەركٸمەن قامتىلعان. «اق جول» پارتيياسىندا ادامداردى جىنىسى نەمەسە جاسى بويىنشا ۇسىنبايدى», - دەدٸ ازات پەرۋاشەۆ.
