اق ٷي سەيسەنبٸ كٷنٸ اقش ۆاليۋتا باسقارماسىنىڭ جەتەكشٸلٸگٸنە سەۋلە وماروۆانى تاعايىنداۋدى ۇسىنىپ, سەناتقا ۇسىنىس جولدادى, دەپ حابارلايدى ازاتتىق.
ەگەر ونىڭ كانديداتۋراسى ماقۇلدانسا, ول اقش-تاعى مىڭنان استام بانكتٸڭ قىزمەتٸن رەتتەيتٸن 3,5 مىڭ قىزمەتكەرٸ بار باسقارماعا جەتەكشٸلٸك ەتەدٸ. ول سونىمەن بٸرگە باسقارمانىڭ 158 جىلدىق تاريحىندا باسشى قىزمەتٸنە تاعايىندالعان تۇڭعىش ەيەل جەنە العاشقى ازيات بولماق.
55 جاستاعى سەۋلە وماروۆانىڭ اقش ۆاليۋتا باسقارماسىنىڭ جەتەكشٸسٸنە باس ٷمٸتكەر ەكەنٸ تامىزدىڭ باسىندا-اق بەلگٸلٸ بولعان. قىركٷيەكتە اقش پرەزيدەنتٸ دجو بايدەن ونى قارجى مينيسترلٸگٸ قۇرامىنداعى ۆاليۋتا باسقارماسىنىڭ جەتەكشٸسٸ قىزمەتٸنە ۇسىنۋعا نيەتتٸ ەكەنٸن بٸلدٸرگەن كەزدە اقش قوعامىندا قىزۋ تالقى تۋعان. بانكتەر مەن رەسپۋبليكاشىلدار وماروۆانىڭ يدەيالارىن تىم راديكال ساناپ, وعان قاتتى قارسىلىق تانىتقان.
اقش-تا ۆاليۋتا باسقارماسىنىڭ جەتەكشٸلٸگٸنە كانديداتتى پرەزيدەنت ۇسىنعانمەن, سەنات ماقۇلدايدى. سەۋلە وماروۆا كانديداتۋراسى بەكٸتٸلۋٸ ٷشٸن ونى سەناتتاعى دەموكراتتار بٸراۋىزدان قولداۋى تيٸس.
