مەجٸلٸستە «قازاقستان رەسپۋبليكاسىنىڭ جاڭا كونستيتۋتسيياسىن قابىلداۋعا بايلانىستى راقىمشىلىق جاساۋ تۋرالى» زاڭ جوباسى بٸرٸنشٸ وقىلىمدا تانىستىرىلدى. قۇجات مەملەكەت باسشىسىنىڭ بيىل 17 ناۋرىزدا جارييالاعان باستاماسىن ٸسكە اسىرۋعا باعىتتالعان, دەپ حابارلايدى Ult.kz.
زاڭ جوباسىن تانىستىرعان دەپۋتات ابزال قۇسپاننىڭ ايتۋىنشا, بۇل جولعى راقىمشىلىقتىڭ ەرەكشەلٸگٸ – قازاقستاندا العاش رەت قىلمىستىق جەنە ەكٸمشٸلٸك راقىمشىلىق قاتار جٷرگٸزٸلەدٸ.
قۇجاتقا سەيكەس, قىلمىستىق تەرٸس قىلىقتار, اۋىرلىعى از قىلمىستار, سونداي-اق كەلتٸرٸلگەن زالالى تولىق ٶتەلگەن ورتاشا اۋىر قىلمىستار بويىنشا قىلمىستىق ٸستەر توقتاتىلۋى مٷمكٸن. سونداي-اق وسى ساناتتاعى قىلمىستار ٷشٸن سوتتالعان ازاماتتاردى جازادان بوساتۋ جەنە ورتاشا اۋىر, اۋىر جەنە اسا اۋىر قىلمىستار بويىنشا سوتتالعانداردىڭ جازاسىنىڭ ٶتەلمەگەن بٶلٸگٸن قىسقارتۋ ۇسىنىلىپ وتىر.
سونىمەن بٸرگە راقىمشىلىق سىبايلاس جەمقورلىق, تەرروريزم, ەكسترەميزم, كەمەلەتكە تولماعاندارعا قارسى جىنىستىق قىلمىستار, ازاپتاۋ, قايتالانعان اۋىر قىلمىستار جەنە باسقا دا قوعامدىق قاۋٸپتٸ ەرەكەتتەر جاساعاندارعا قولدانىلمايدى.
زاڭ جوباسى ەكٸمشٸلٸك قۇقىق بۇزۋشىلىقتار ٷشٸن سالىنعان ايىپپۇلداردى دا كەشٸرۋدٸ كٶزدەيدٸ. اتاپ ايتقاندا, جەكە تۇلعالار, جەكە كەسٸپكەرلەر, نوتاريۋستار, جەكە سوت ورىنداۋشىلارى, ادۆوكاتتار مەن زاڭ كونسۋلتانتتارى ەكٸمشٸلٸك ايىپپۇلدان بوساتىلۋى مٷمكٸن. الايدا بۇل جەڭٸلدٸك سوتتار تاعايىنداعان ايىپپۇلدارعا جەنە قوعامدىق قاۋٸپسٸزدٸككە قاتەر تٶندٸرەتٸن قۇقىق بۇزۋشىلىقتارعا قاتىستى قولدانىلمايدى.
دەپۋتاتتىڭ مەلٸمەتٸنشە, راقىمشىلىق جاساۋ تۋرالى تٷپكٸلٸكتٸ شەشٸمدٸ ەر سوتتالعان ادامعا قاتىستى سوت جەكە قارايدى.
سونداي-اق زاڭ جوباسىندا باس بوستاندىعىنان ايىرۋ ورىندارىنان بوساتىلاتىن ازاماتتاردى قوعامعا بەيٸمدەۋ جەنە قايتا ەلەۋمەتتەندٸرۋ مٸندەتٸ جەرگٸلٸكتٸ اتقارۋشى ورگاندارعا جٷكتەلەدٸ.
زاڭ قابىلدانعان جاعدايدا, ول قوسىمشا بيۋدجەت شىعىندارىن تالاپ ەتپەيدٸ جەنە ەلەۋمەتتٸك-ەكونوميكالىق تەرٸس سالدارعا ەكەلمەيدٸ دەپ كٷتٸلۋدە.
