فوتو: قر ٶنەركەسٸپ جەنە قۇرىلىس مينيسترلٸگٸ باسپاسٶز قىزمەتٸ
Air Astana ەۋە كومپانيياسى 6 جەلتوقساننان باستاپ بيلەت باعاسىن تٶمەندەتۋگە مٸندەتتەلدٸ, دەپ حابارلايدى "ۇلت اقپارات" بەسەكەلەستٸكتٸ قورعاۋ جەنە دامىتۋ اگەنتتٸگٸنە سٸلتەمە جاساپ.
بەسەكەلەستٸكتٸ قورعاۋ جەنە دامىتۋ اگەنتتٸگٸ مەن پروكۋراتۋرا ورگاندارى Air Astana-عا قاتىستى بٸرلەسە تەكسەرٸس جٷرگٸزٸپ, ونىڭ قورىتىندىسىن سوتقا تاپسىرعان.
"تەكسەرۋ قورىتىندىسى بويىنشا Air Astana ەۋەكومپانيياسى الماتى قالاسىنىڭ ەكٸمشٸلٸك قۇقىقبۇزۋشىلىقتار جٶنٸندەگٸ مامانداندىرىلعان اۋدانارالىق سوتىنىڭ شەشٸمٸمەن جانارماي الىمىن نەگٸزسٸز قولدانۋدا كٶرسەتٸلگەن ٷستەم/مونوپولييالىق ەرەجەنٸ تەرٸس پايدالانعانى ٷشٸن 876 ملن تەڭگەدەن استام سوماعا ەكٸمشٸلٸك جاۋاپكەرشٸلٸككە تارتىلدى.
ۇشاق بيلەتتەرٸن ۇشۋ كٷنٸ نەمەسە تاياۋ كٷندەردە ساتىپ العان كەزدە Air Astana جولاۋشىلاردىڭ بارلىق ساناتىنان 3500-دەن 6500 تەڭگەگە دەيٸنگٸ مٶلشەردە جانارماي الىمىن نەگٸزسٸز الىپ, ونى قولدانۋدىڭ ماقساتى مەن قاعيداتىن ٸس جٷزٸندە ٶز قالاۋىنشا رەتتەگەنٸ انىقتالدى" - دەلٸنگەن حابارلامادا.
اگەنتتٸك مەلٸمەتٸنشە, وتىن الىمى تاسىمالداۋعا ارنالعان تاريفتٸڭ قولدانىلۋ كەزەڭٸندە اۆياوتىنعا جۇمسالاتىن شىعىنداردىڭ ٶسۋٸن ٶتەۋ ماقساتىندا عانا الىنۋى مٷمكٸن, ونى ەسەپتەۋ كەزٸندە بۇل ٶسٸمدٸ ەسكەرۋ مٷمكٸن بولمادى.
Air Astana اۆياكومپانيياسى مەن اگەنتتٸك اراسىندا ٸشكٸ باعىتتار بويىنشا مونوپولييالىق/ٷستەم باعىتتارداعى باعانى تەجەۋگە باعىتتالعان, اتاپ ايتقاندا تٶمەندەگٸ مٸندەتتەردٸ كٶزدەيتٸن مونوپوليياعا قارسى كومپلاەنس جاسالدى:
- بٸرٸنشٸدەن, 2023 جىلعى 6 جەلتوقساننان باستاپ جانارمايعا قوسىمشا اقى قولدانۋدى الىپ تاستاۋ (ۇشۋ كٷنٸنە قاراماستان, 2023 جىلعى 6 جەلتوقسانعا دەيٸن جانارمايعا ٷستەمە اقى تٶلەنٸپ ساتىلعان بيلەتتەرگە قولدانىلمايدى). مەسەلەن, استانا-الماتى باعىتىنداعى بيلەتتٸڭ ورتاشا باعاسى قازٸرگٸ 28 435 تەڭگە ورنىنا 24 435 تەڭگە بولادى (باعانىڭ تٶمەندەۋٸ - 14%), الماتى-اقتاۋ باعىتىندا ورتاشا باعا قازٸرگٸ 37 568 تەڭگەنٸڭ ورنىنا 31 078 تەڭگەنٸ قۇرايدى (باعانىڭ تٶمەندەۋٸ - 17%);
- ەكٸنشٸدەن, 2024 جىلدىڭ سوڭىنا دەيٸن ٸشكٸ باعىتتار بويىنشا جولاۋشىلاردى اۆياتاسىمالداۋ قىزمەتتەرٸنٸڭ باعاسىن كٶتەرۋدٸ شەكتەۋ;
- ٷشٸنشٸدەن, وسى جىلى جەنە 2024 جىلعى 31 جەلتوقسانعا دەيٸن Air Astana ورتاشا جەنە تٶمەن باعامەن ساتىلاتىن بيلەتتەرٸنٸڭ سانى 70%-دان (ياعني, Y, B, H برونداۋ كلاسىنىڭ تاريفتەرٸ بويىنشا تەك 30%) تٶمەن بولماۋى تيٸس.
"سونداي-اق, اگەنتتٸك كەلەسٸ جٷيەلٸ شارالارعا باستاماشىلىق جاسايدى:
- اگەنتتٸكتٸڭ باستاماسىمەن كٶلٸك مينيسترلٸگٸ «اۋا ەركٸندٸگٸنٸڭ» 5-شٸ دەرەجەسٸنە قولجەتٸمدٸلٸكتٸ كەڭەيتۋ ماقساتىندا شەتەلدٸك تاسىمالداۋشىلاردىڭ وتاندىق اۆياكومپانييالارمەن قاتار جەكەلەگەن ەۋەجايلاردا مارشرۋتتار بويىنشا ۇشۋلاردى جٷزەگە اسىرۋ مٷمكٸندٸگٸن كەڭەيتەتٸن شارالار قابىلدادى. بۇل شەتەلدٸك اۆياكومپانييالاردىڭ كەلۋٸن ىنتالاندىرۋعا مٷمكٸندٸك بەرەدٸ, بەسەكەلەستٸككە وڭ ەسەر ەتەدٸ جەنە تۇتىنۋشىلاردىڭ تاڭداۋىن ارتتىرادى;
- اگەنتتٸك جانارماي الىمىن الۋدى توقتاتۋدى كٶزدەيتٸن زاڭناماعا تٷزەتۋلەر ەنگٸزۋگە باستاماشىلىق جاسادى" - دەلٸنگەن حابارلامادا.
