اقپارات جەنە قوعامدىق دامۋ مينيسترٸ ايدا بالاەۆا جۋرناليستەرگە العىس ايتتى, دەپ حابارلايدى قازاقپارات.
«مەن شىنىندا دا كەسٸبيلٸك تانىتا بٸلگەن جۋرناليستەرگە العىس ايتۋدان شارشامايمىن. ولار ٶز ٶمٸرلەرٸن دە قاۋٸپكە تٸگە وتىرىپ, ەلٸمٸزدٸڭ ەڭ كٷردەلٸ كەزەڭدەرٸنە قاتىستى اقپارات بەرٸپ وتىردى. ەلدە تٶتەنشە جاعداي جارييالانعان كەزدە مەملەكەت قولعا الىپ جاتقان شارالاردى قامتىپ اقپارات بەرٸپ, قوعامدا دٷربەلەڭ تۋىپ كەتپەۋٸنە اتسالىستى», - دەدٸ ايدا بالاەۆا وكق-دا ٶتكەن باسپاسٶز مەسليحاتىندا.
مينيستر پاندەمييا العاش باستالعان كەزدە ادامدار ۆيرۋستىڭ بارىنا سەنبەگەنٸن دە جەتكٸزدٸ.
«سول سەبەپتٸ بٸزدٸڭ جۋرناليستەر تج جارييالانعان العاشقى ۋاقىتتا ادامداردىڭ ٷيٸندە وتىرۋى ٷشٸن اقپارات تاراتىپ, كەسٸبي بٸلٸكتٸلٸكتەرٸن تانىتا بٸلدٸ. جۋرناليستەردٸڭ بەرٸنە العىس ايتا وتىرىپ, بارلىعىنىڭ دەنساۋلىعى مىقتى بولۋى تٸلەيمٸن. سەبەبٸ ۆيرۋس قۇرىپ كەتكەن جوق. بٷگٸن دە جۋرناليستەرٸمٸز باسىن بەيگەگە تٸگە وتىرىپ, جۇمىس جٷرگٸزٸپ, حالىققا ەڭ كەرەكتٸ جەنە شىنايى اقپاراتتى جەتكٸزۋدە», - دەدٸ ول.
ايدا بالاەۆا سونىمەن قاتار ەلدە كوروناۆيرۋس ٶرشٸگەن كەزدە فەيك جاڭالىقتاردىڭ دا ٷلەسٸ ارتىپ كەتكەنٸن ايتتى.
«جۋرناليستەردٸڭ ەڭبەگٸ مەن كەسٸبي بٸلٸكتٸلٸگٸنٸڭ ارقاسىندا بٸزدٸڭ ەل فەيك جاڭالىقتارى ەڭ از مەملەكەت رەتٸندە رەيتينگتٸڭ باس جاعىنان كٶرٸندٸ. فەيكتەر جالپى قوعامدا دٷربەلەڭ تۋعىزا الارلىق كٷش. ٶز تاراپىمىزدان «ستوپ-فەيك» اتتى رەسۋرس جاسادىق. بٷگٸنگٸ تاڭدا ول ٶتە تيٸمدٸ جۇمىس جٷرگٸزۋدە. 100-گە تارتا فەيك جاڭالىقتار انىقتالدى. ەڭ باستىسى ول جاڭالىقتارعا قاتىستى جاۋاپتى مەملەكەتتٸك ورگاندار جەدەل جاۋاپ بەرٸپ وتىر», - دەدٸ ول.
