قر اقپارات جەنە قوعامدىق دامۋ مينيسترٸ ايدا بالاەۆا مەملەكەتتٸڭ جاستاردى قولداۋعا باعىتتالعان جوسپارىمەن بٶلٸستٸ, دەپ حابارلايدى "ۇلت اقپارات".
«2025 جىلعا دەيٸن جاستاردى قولداۋدىڭ كەشەندٸ جوسپارى قابىلداندى. ول 10 باعىتتان تۇرادى جەنە ەر باعىتى جاستاردىڭ كٶكەيكەستٸ مەسەلەلەرٸن شەشۋگە باعىتتالعان. ونىڭ ٸشٸندە ٷي الۋ, جۇمىسقا تۇرۋ, سونىمەن قاتار جۇمىسپەن قامتىلماعان نەمەسە وقىمايتىن جاستار مەسەلەسٸ بويىنشا ناقتى ٸس-شارالار قاراستىرىلعان. جوبالىق كەڭسە ۇيىمداستىرىلعان جەنە ونىڭ جۇمىسى اتالعان مەسەلەلەردٸ جٷيەلەپ, شەشۋگە باعىتتالعان. بۇل مەسەلەلەردٸ زاڭدى تۇرعىدان دا شەشۋ قاجەت. سول سەبەپتٸ قولدانىستاعى زاڭ جاڭارتۋدى تالاپ ەتەدٸ. جىلدىڭ باسىندا بارلىق ٶڭٸردە مينيسترلٸك كٷندەرٸن ۇيىمداستىرىپ, وسى مەسەلەلەرگە قاتىستى اشىق تالقىلاۋلار ٶتكٸزدٸك. وندا جاستاردىڭ ٶزەكتٸ مەسەلەلەرٸن شەشۋگە باعىتتالعان ۇسىنىستار الدىق. ولاردىڭ بارلىعى سارالانىپ, كەيبٸرٸ زاڭ تۇرعىسىندا شەشٸلسە, ەندٸ بٸرٸ جوسپارعا كٸرۋٸ مٷمكٸن. ەڭ باستىسى – جاستار مەسەلەسٸن شەشۋ, جاعداي جاساۋ», - دەدٸ مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
ونىڭ اتاپ ٶتۋٸنشە, «تەۋەلسٸزدٸك ۇرپاقتارى» ۇلتتىق جوباسى اياسىندا جاستارعا قاتىستى مەسەلەلەردٸڭ بارلىعى ٷيلەستٸرٸلەدٸ ەرٸ شەشٸلەدٸ.
«ياعني, ەر باعىت بويىنشا جوسپاردا ٸس-شارالار, جۇمىستار كٶزدەلگەن. قولدانىستاعى زاڭىمىزدا جاستار ساناتى 14-تەن 29 جاسقا دەيٸن دەپ بەلگٸلەنگەن. قازٸر جاستاردىڭ ٶمٸر سٷرۋ سالتى ٶزگەردٸ. سوندىقتان الداعى ۋاقىتتا قابىلداناتىن زاڭدا جاستار ساناتىن 14-تەن 35 جاسقا دەيٸن كٶتەرۋ, ٷي الۋلارى ٷشٸن ارنايى باعدارلاما ەزٸرلەۋ مەسەلەسٸ كٶتەرٸلٸپ جاتىر. بۇل مەسەلەلەردٸڭ بارلىعى جاستاردى قولداۋ جوسپارىمىز اياسىندا جٷزەگە اسىرىلادى», - دەدٸ ايدا بالاەۆا.
