قايىرىمدىلىق دەگەنٸمٸز – ازاماتتىق قوعامنىڭ كەمەلدەنۋٸ. بۇل تۋرالى «جومارت جٷرەك» سىيلىعى لاۋرەاتتارىن ماراپاتتاۋ شاراسىندا قر اقپارات جەنە قوعامدىق دامۋ مينيسترٸ ايدا بالاەۆا ايتتى, دەپ حابارلايدى قازاقپارات.
«بٷگٸن سونداي-اق, ەلٸمٸزدە جىل سايىن ٶتكٸزٸلەتٸن «جومارت جٷرەك» رەسپۋبليكالىق سىيلىعىنىڭ يەگەرلەرٸن بٸلەتٸن بولامىز. «جومارت جٷرەك» بۇل – قايىرىمدىلىق جاساۋ باعىتىندا اۋقىمدى ٸستەردٸ اتقارىپ جٷرگەن ۇيىمداردى انىقتاپ, ولاردى حالىققا تانىستىرۋ ماقساتىندا بەرٸلەتٸن ارنايى ماراپات. بۇل - سونداي-اق, ٶڭٸرلەردٸ دامىتۋعا, قامقورلىق قۇندىلىقتارى مەن قايىرىمدىلىق يدەيالارىن كەڭٸنەن ناسيحاتتاۋعا, مۇقتاج جاندارعا كٶمەك بەرۋگە دايىن ازاماتتاردىڭ جاقسى ٸستەرٸن دەرٸپتەۋگە مٷمكٸندٸك بەرەتٸن بٸرەگەي الاڭ. 2018 جىلى جىلدان بەرٸ بۇل اتاۋلى سىيلىق – 125 ادامعا بەرٸلدٸ», - دەپ اتاپ ٶتتٸ مينيستر.
ونىڭ ايتۋىنشا, بيىلعى «جومارت جٷرەك» سىيلىعىنىڭ يەگەرلەرٸن تەۋەلسٸز ساراپشىلىق كوميسسييا ەلٸمٸزدٸڭ بٷكٸل ٶڭٸرٸنەن تٷسكەن 100-دەن استام ٶتٸنٸشتٸڭ ٸشٸنەن ٸرٸكتەپ العان.
«وسىلايشا, ونلاين داۋىس بەرۋ جەنە ەسەپ كوميسسيياسىنىڭ شەشٸمٸنٸڭ قورىتىندىسىندا 5 اتالىم بويىنشا 51 جەڭٸمپاز انىقتالدى. بٸراق, بارلىق ۋاقىتتا دا ەڭ باستى جەڭٸمپاز بٸزدٸڭ قايىرىمدى جٷرەگٸمٸز بەن ىستىق ىقىلاسىمىز بولىپ قالا بەرەدٸ. ٶيتكەنٸ, قايىرىمدىلىق – ازاماتتىق قوعامنىڭ كەمەلدەنۋٸ», - دەدٸ ايدا بالاەۆا.
مينيستر ەلوردا مەن ٸرٸ قالالاردا عانا ەمەس, ەلٸمٸزدٸڭ شالعاي ەلدٸ مەكەندەرٸندە دە قايىرىمدىلىقپەن اينالىسۋدى ٶمٸرٸنٸڭ مەنٸنە اينالدىرعان ادامداردىڭ كٶپ ەكەنٸن باسا ايتتى.
«اينالامىزدى شۋاققا بٶلەپ, بٸر-بٸرٸمٸزگە قۋانىش سىيلار مەيٸرٸمدٸلٸگٸمٸز سارقىلماسىن, جاقسى ٸستەرٸمٸز تاۋسىلماسىن! الدىمىزدا مول جەتٸستٸكتەر كٷتٸپ تۇرعانىنا كەمٸل سەنٸمدٸمٸن. بارشاڭىزعا جاقسىلىق, جەتٸستٸك, تابىس تٸلەيمٸن!», - دەپ تٷيٸندەدٸ سٶزٸن ايدا بالاەۆا.
