ەل تەۋەلسٸزدٸگٸنٸڭ 30 جىلدىعىندا حالقىمىزدىڭ رۋحاني ەلەمٸ, ۇلتتىق ساناسى مەن دٷنيەتانىمى جاڭاردى, رۋحاني جەنە مەدەني قازىناسىن ەلەمدٸك ٶركەنيەتپەن ۇلاستىرۋ باعىتىندا قىرۋار شارۋا اتقارىلىپ كەلەدٸ.
بۇل تۋرالى «رۋحاني دامۋ جەنە ۇلتتىق دەستٷرلەردٸ ساقتاۋ» تاقىرىبىندا ٶتكەن دٶڭگەلەك ٷستەل وتىرىسىندا قر اقپارات جەنە قوعامدىق دامۋ مينيسترٸ ايدا بالاەۆا ايتتى, دەپ حابارلايدى قازاقپارات.
«ناۋرىز مەيرامى ىنتىماعى جاراسقان حالقىمىز ٷشٸن قاشاندا بٸرلٸك پەن تاتۋلىق مەرەكەسٸ. ەسٸرەسە وسى جىلى بٸزدٸڭ ەلٸمٸزدٸڭ تەۋەلسٸزدٸگٸنٸڭ 30 جىلدىعى اياسىندا پرەزيدەنتٸمٸز وسى جىلدى «رەفورمالاۋ جىلى» دەپ جارييالاعان بولاتىن. بۇل مەرەكەنٸڭ ماڭىزى ارتا تٷسەدٸ دەپ ويلايمىن. مەملەكەت باسشىسى «تەۋەلسٸزدٸك بەرٸنەن قىمبات» اتتى ماقالاسىندا كٶكتەم مەرەكەسٸنٸڭ مازمۇنىن بايىتۋ تۋرالى تاپسىرما بەرگەن بولاتىن. وسىعان سەيكەس جاڭا تۇجىرىمداما ەزٸرلەنٸپ, سونىڭ نەگٸزٸندە قوعامدى يگٸ ٸستەرگە جۇمىلدىرىپ, رۋحاني ادامگەرشٸلٸك قۇندىلىقتارىن نىعايتۋعا باعىتتالعان ٸس-شارالار كەشەنٸ جوسپارلانىپ وتىر», - دەيدٸ قر اقپارات جەنە قوعامدىق دامۋ مينيسترٸ ايدا بالاەۆا.
مينيستردٸڭ ايتۋىنشا, رۋحانييات مەسەلەسٸنە تەك ەسكٸ سالت-دەستٷردٸڭ جيىنتىعى دەپ قاراماۋ كەرەك, ول - ەسكٸنٸڭ توزىعىن تاستاپ, جاڭانىڭ وزىعىن دامىتۋ دەگەن سٶز.
«ەل تەۋەلسٸزدٸگٸنٸڭ 30 جىلدىعىندا رۋحاني جاڭعىرۋدىڭ سان تٷرلٸ بەلەستەرٸنەن ٶتتٸك. حالقىمىزدىڭ رۋحاني ەلەمٸ, ۇلتتىق ساناسى مەن دٷنيەتانىمى جاڭاردى, رۋحاني جەنە مەدەني قازىناسىن ەلەمدٸك ٶركەنيەتپەن ۇلاستىرۋ باعىتىندا قىرۋار شارۋا اتقارىلىپ كەلەدٸ. بۇل تۇرعىدا ەلباسىنىڭ «رۋحاني جاڭعىرۋ» باعدارلاماسى – رۋحاني دامۋدىڭ باستى العىشارتتارىنىڭ بٸرٸ دەپ بٸلەمٸن. بٷگٸنگٸ دٶڭگەلەك ٷستەلدٸڭ تاقىرىبىنا ارقاۋ بولىپ وتىرعان رۋحاني دامۋ مەسەلەسٸ دە بٸرتٸندەپ ٶرلەۋ مەن جوعارى قۇندىلىقتاردى ۇعىنۋدى ماقسات ەتەدٸ. زاڭعار جازۋشى ەبٸش كەكٸلباەۆتىڭ «جالپاق ەلەمدٸ اۋزىنا قاراتۋ ٷشٸن رۋحاني ەرلٸك كەرەك, جالپاق ەلەمگە قىسىلىپ-قىمتىرىلماي قاراۋ ٷشٸن رۋحاني بايلىق كەرەك» دەگەن سٶزٸ رۋحانيياتتىڭ قوعامداعى جەنە ادام ٶمٸرٸندەگٸ رٶلٸن انىق كٶرسەتٸپ وتىرعانى راس. «پايدا ويلاما, ار ويلا» دەگەن ابايدىڭ سٶزٸ ەلٸ كٷنگە دەيٸن ٶزەكتٸلٸگٸن جوعالتقان جوق. ەتتەگەن-اي دەگەن مەسەلەلەر دە از ەمەس. تەرٸس قىلىقتاردى ەلەۋمەتتٸك جەلٸلەردەن دە, تەلەارنالاردان دا جيٸ ايتىپ, سىنعا ايتىپ, تالقىلاپ جٷرمٸز. وسىنىڭ بەرٸ رۋحاني دامۋعا قاتىستى ويلارعا جەتەلەيدٸ», - دەيدٸ ول.
سونداي-اق, ايدا بالاەۆا ۇرپاق تەربيەسٸنٸڭ ٶزەگٸ, تٷپ نەگٸزٸ وتباسىنان باستاۋ الاتىنىن ايتتى.
«ٶزدەرٸڭٸز بٸلەتٸندەي, مەملەكەتتٸك وتباسىلىق دەموگرافييالىق ساياساتى – بٸزدٸڭ مينيسترلٸك قۇزىرىنداعى باستى سالالاردىڭ بٸرٸ. سوندىقتان بۇل باعىتتاعى سۇراقتار ٷنەمٸ نازارىمىزدا. بۇل ورايدا قوعامدىق تالقىلاۋلاردىڭ, ساراپشىلاردىڭ پٸكٸرٸ بٸز ٷشٸن ەرقاشان ماڭىزدى», - دەيدٸ قر اقپارات جەنە قوعامدىق دامۋ مينيسترٸ ايدا بالاەۆا.
ٸس-شاراعا مەملەكەتتٸك ورگاندار مەن عىلىمي-شىعارماشىلىق زييالى قاۋىم ٶكٸلدەرٸ, ٷكٸمەتتٸك ەمەس ۇيىمداردىڭ باسشىلارى, ساراپشىلار قاتىسۋدا. سونداي-اق, شاراعا قاتىسۋشىلار رۋحاني دامۋ, ۇلتتىق قۇندىلىقتاردى دەرٸپتەۋ, سانالى جەنە رۋحاني ۇرپاقتى تەربيەلەۋ مەسەلەلەرٸن تالقىلاۋدا.
