مەكتەپتە وقۋشىلارعا اعىلشىن تٸلٸندە پەندەر تەك 10 جەنە 11 سىنىپتا, بالانىڭ تٸلدٸك قابٸلەتٸ جەتكٸلٸكتٸ بولعان جەنە مەكتەپ دايىن بولعان جاعدايدا, مەكتەپتٸڭ شەشٸمٸمەن عانا بەرٸلەتٸن بولادى. بۇل تۋرالى ٷكٸمەتتٸڭ باسپاسٶز ورتالىعىندا بٸلٸم جەنە عىلىم مينيسترٸ كٷلەش شەمشيدينوۆا مەلٸم ەتتٸ, دەپ حابارلايدى "ۇلت اقپارات".
«ٷشتٸلدٸلٸككە بايلانىستى: ەڭ بٸرٸنشٸ مەسەلە - قازاق تٸلٸن وقىتۋ مەسەلەسٸ. ەكٸنشٸ ورىس تٸلٸ, اعىلشىن تٸلٸ مەسەلەلەرٸ. ياعني تٸلدەردٸ وقىتۋ بۇل دەڭگەيگە بايلانىستى تٶرت داعدىنى دامىتۋعا باعىتتالادى. ولار - تىڭداۋ, ايتۋ, سٶيلەۋ جەنە جازۋ داعدىلارى. سوندىقتان اعىلشىن تٸلٸندە بالالارعا پەندٸ بەرۋ تەك 10 جەنە 11 سىنىپتا, بالانىڭ تٸلدٸك قابٸلەتٸ جەتكٸلٸكتٸ بولعان جاعدايدا جەنە مەكتەپ دايىن بولعان جاعدايدا, مەكتەپتٸڭ شەشٸمٸمەن عانا جٷرەتٸن بولادى. قازٸرگٸ تاڭدا 153 مەكتەپتە ۇيىمداستىرىلعان اعىلشىن تٸلٸندە وقىتۋعا بٸز مونيتورينگ ٶتكٸزٸپ وتىرمىز. وسى مونيتورينگتٸڭ نەتيجەسٸندە دامىتۋعا بولاتىن سۇراقتار جەنە وسى نەرسەنٸ دامىتۋعا كەدەرگٸ كەلتٸرەتٸن مەسەلەلەر انىقتالىپ, بولاشاقتا مەكتەپتەرگە كٶمەك رەتٸندە بەرٸلەتٸن بولادى», - دەيدٸ مينيستر.
ەسكە سالا كەتسەك, كٷلەش شەمشيدينوۆا مەكتەپتە تٶرت پەندٸ اعىلشىن تٸلٸندە وقىتۋ مەسەلەسٸن بۇعان دەيٸن دە تٷسٸندٸرگەن بولاتىن.
«بٷگٸندە بارلىق ادامداردى ويلاندىرىپ جٷرگەن ماڭىزدى بٸر مەسەلە ول - xيمييا, فيزيكا, ينفورماتيكا مەن بيولوگييا پەندەرٸن جوعارى سىنىپتى اعىلشىن تٸلٸندە وقىتۋ. وسىعان بايلانىستى قازٸر اعىلشىنشا ساباق بەرۋگە اسىقپاي كٶشۋ تۋرالى شەشٸم قابىلدانىپ وتىر. رەسپۋبليكا بويىنشا 150-دەن ارتىق مەكتەپ ول باعدارلاماعا كٶشكەن. بٸز قازٸر بۇلاردى زەردەلەپ, قاراپ وتىرمىز. وقۋشىلار نەدەن قينالىپ وتىر? ۇستازدار قانداي قيىندىق كٶرٸپ جاتىر? بٸز ولارعا قالاي كٶمەكتەسەمٸز? سونى جان-جاقتى زەردەلەپ جاتىرمىز. سوندىقتان ۇستاز بەن مەكتەپ دايىن بولعان كەزدە, ٶزدەرٸڭٸزبەن كەلٸسە وتىرىپ, بٸرتٸندەپ اعىلشىن تٸلٸندە وقىتۋدى ەنگٸزە باستايمىز. اسىقپايمىز, ەشكٸم قۋىپ كەلە جاتقان جوق», - دەگەن ەدٸ ك.شەمشيدينوۆا استاناداعى كٶپبالالى انالارمەن بولعان كەزدەسۋدە.
