قر بٸلٸم جەنە عىلىم مينيسترٸ كٷلەش شەمشيدينوۆا مەكتەپتە تٶرت پەندٸ اعىلشىن تٸلٸندە وقىتۋ مەسەلەسٸن تٷسٸندٸردٸ, دەپ xابارلايدى قازاقپارات تٸلشٸسٸ.
"بٷگٸندە بارلىق ادامداردى ويلاندىرىپ جٷرگەن ماڭىزدى بٸر مەسەلە, ول - xيمييا, فيزيكا, ينفورماتيكا مەن بيولوگييا پەندەرٸن جوعارى كلاستا اعىلشىن تٸلٸندە وقىتۋ. وسىعان بايلانىستى قازٸر اعىلشىنشا ساباق بەرۋگە اسىقپاي كٶشۋ تۋرالى شەشٸم قابىلدانىپ وتىر. رەسپۋبليكا بويىنشا 150-دەن ارتىق مەكتەپ ول باعدارلاماعا كٶشكەن. بٸز قازٸر بۇلاردى زەردەلەپ, قاراپ وتىرمىز. وقۋشىلار نەدەن قينالىپ وتىر? ۇستازدار قانداي قيىندىق كٶرٸپ جاتىر? بٸز ولارعا قالاي كٶمەكتەسەمٸز? سونى جان-جاقتى زەردەلەپ جاتىرمىز. سوندىقتان ۇستاز بەن مەكتەپ دايىن بولعان كەزدە, ٶزدەرٸڭٸزبەن كەلٸسە وتىرىپ, بٸرتٸندەپ اعىلشىن تٸلٸندە وقىتۋدى ەنگٸزە باستايمىز. اسىقپايمىز, ەشكٸم قۋىپ كەلە جاتقان جوق", - دەدٸ ك.شەمشيدينوۆا بٷگٸن استاناداعى كٶپبالالى انالارمەن بولعان كەزدەسۋدە.
وسى ورايدا مينيستر ەڭبەك نارىعىنىڭ ٶزگەرۋٸنە بايلانىستى بٸلٸمگە قويىلاتىن تالاپتىڭ دا ٶزگەرٸپ جاتقانىن ەرەكشە اتاپ ٶتتٸ. وسى ۋاقىتقا دەيٸن مەكتەپ وقۋشىسىنا بٸلٸمدٸ بەرٸپ, سول بٸلٸمدٸ قانشالىقتى مەڭگەرگەنٸ قارالسا, ەندٸگٸ كەزەكتە بالا سول بٸلٸمدٸ ٶمٸردە پايدالانا الا ما, جوق پا, سوعان جۇمىس ٸستەۋ كەرەك.
"بٷگٸندە جاڭارتىلعان بٸلٸم باعدارلاماسىن ەنگٸزٸپ وتىرعانىمىز دا سودان. كٶپتەگەن مەملەكەتتەر ٶزٸنٸڭ بٸلٸم باعدارلامالارىن قايتا قاراستىرىپ جاتىر. قازاقستان دا سونىڭ ٸشٸندە. ايتا كەتەتٸن تاعى بٸر مەسەلە, بٸزدٸڭ بالالارعا ينفورماتيكا پەنٸن دۇرىس بەرۋ, روبوت تەxنيكاسى نەگٸزدەرٸمەن تانىستىرۋ كەرەك. سەبەبٸ تەxنولوگييالار زامانىندا ٶمٸر سٷرٸپ وتىرعاننان كەيٸن وسى دٷنيەلەرمەن تانىستىرۋىمىز قاجەت. "اتامەكەنمەن" بٸرلەسە وتىرىپ, كەسٸپكەرلٸككە قاتىستى ەلەكتيۆتٸ كۋرستار ەنگٸزۋدٸ تالقىلادىق. جالپى, بٸز بالالارىمىزدى بولاشاق ٷلكەن ٶمٸرگە دايىنداۋىمىز كەرەك", - دەپ اتاپ كٶرسەتتٸ ك.شەمشيدينوۆا.
سونىمەن قاتار, قر بٸلٸم جەنە عىلىم مينيسترٸ بٸلٸمنٸڭ جاڭارتىلعان مازمۇنى بويىنشا مۇعالٸمدەردٸ دايارلاۋ شارالارى تۋرالى ايتىپ بەردٸ.
"ٶزدەرٸڭٸز جاقسى بٸلەسٸزدەر, 2016 جىلى قىركٷيەكتەن باستاپ جالپى مەكتەپتەردە جاڭارتىلعان بٸلٸم باعدارلاماسى ەنگٸزٸلە باستادى. ال وسى باعدارلاماعا بايلانىستى مۇعالٸمدەردٸ دايارلاۋ شارالارى 2012 جىلى باستالعان بولاتىن. بٸراق سوعان قاراماستان, الداعى ٷش جىلدا 140 مىڭ مەكتەپ مۇعالٸمدەرٸ قايتا دايارلاۋ كۋرستارىنان ٶتەدٸ. سەبەبٸ بٷگٸندە بٸزگە كەرەگٸ - مۇعالٸمدەردٸڭ دايىندىعى. بٷگٸندە مەكتەپتەگٸ بٸلٸمنٸڭ ساپاسى, جالپى مۇعالٸمدەردٸڭ بالالارمەن قارىم-قاتىناسى, اتا-انامەن قاتىناسى مۇعالٸمدەردٸڭ بٸلٸكتٸلٸگٸنە تٸكەلەي بايلانىستى", - دەدٸ ك.شەمشيدينوۆا.
مينيستردٸڭ ايتۋىنشا, ٷش جىلدىڭ ٸشٸندە مەكتەپكە كەلٸپ جاتقان پسيxولوگتار مەن سىنىپ جەتەكشٸلەرٸن دە وقىتۋ جوسپارلانعان. ولاردىڭ جالپى سانى - 85 000 ادام. سونداي-اق, 15 مىڭنان استام كوللەدج ۇستازدارى مەن 2 مىڭعا جۋىق جوعارى وقۋ ورنىنىڭ وقىتۋشىلارى قايتا دايارلاۋ كۋرستارىنان ٶتەتٸن بولادى.
«بٸز بەرٸمٸز وقىدىق قوي. سوندا وقۋلىقتا تاقىرىپتى ٶتكەننەن كەيٸن استىندا سۇراق بولاتىن. سول سۇراقتىڭ جاۋابى تاقىرىپتىڭ ٸشٸندە بولدى. قازٸر بٸز مۇعالٸمدەرگە بىلاي ايتىپ جاتىرمىز, سٸزدەر بالاعا دايىن ٶڭدەلگەن اقپاراتتى بەرمەڭٸزدەر. بالاعا سۇراق قويۋ ارقىلى, ەسەپ شىعارتۋ ارقىلى, تاپسىرمانى ورىنداۋ ارقىلى ماتەريالدى بٸرتٸندەپ مەڭگەرۋگە, بٸلٸمدٸ ٸزدەۋگە ٷيرەتٸڭٸزدەر دەپ جاتىرمىز. دەل وسى تۇستا مۇعالٸمدەردٸڭ قينالىپ جاتقانى بايقالادى. سول سەبەپتٸ قايتا دايارلاۋ كۋرستارىن ۇيىمداستىرىپ جاتىرمىز», - دەپ اتاپ كٶرسەتتٸ ك.شەمشيدينوۆا.
ايتا كەتەيٸك, بۇعان دەيٸن قر پرەزيدەنتٸ نۇرسۇلتان نازارباەۆ تا جوعارى سىنىپتاردا پەندەردٸ اعىلشىن تٸلٸندە وقىتۋ مەسەلەسٸن تٷسٸندٸرگەن بولاتىن. «ول كەزدە وقۋشىلار جوعارى وقۋ ورنىنا تٷسۋگە دايىندالادى. ال دەل سول ۋاقىتتا ماتەماتيكا, فيزيكا, xيمييا مەن بيولوگييانىڭ تەرميندەرٸن اعىلشىن تٸلٸندە تٷسٸنٸپ ٷيرەنبەسە, شەتەلدە بارىپ, وقي المايدى. سوندىقتان مۇعالٸمدەرگە بارىنشا تىرىسۋ كەرەك. ەندٸ, اعىلشىن تٸلٸندە بٸر جىلدىڭ ٸشٸندە ٷيرەتە المايسىڭ. ال بٸزدٸكٸلەر ٷش ايلىق كۋرستى شىعاردى. ودان كەيٸن ماتەماتيكانى اعىلشىن تٸلٸندە ٷيرەتەسٸڭ دەيدٸ. ول - ٶتە اۋىر. مەن ٶزٸم سولاي ٸستەپ كٶردٸم. قيىن نەرسە ەكەن», - دەدٸ ن.نازارباەۆ حالىقارالىق ەيەلدەر مەرەكەسٸنە ارنالعان جيىندا.
