قىزىلوردا وبلىسىنداعى سەمينار-كەڭەستٸڭ كٷن تەرتٸبٸندە سۋ رەسۋرستارىن تيٸمدٸ پايدالانۋ, سۋ تاپشىلىعى جاعدايىندا سۋارمالى ەگٸن شارۋاشىلىعىن ۇيىمداستىرۋ, ىلعالدى ساقتايتىن تەحنولوگييالاردى ەنگٸزۋ جەنە قۇرعاقشىلىققا تٶزٸمدٸ داقىلداردى ٶسٸرۋ مەسەلەلەرٸ تالقىلاندى.
قىزىلوردا وبلىسىنىڭ قارماقشى اۋدانىنداعى «جاڭا جول» جشس-دە استىق جيناۋ رەسٸمٸ مەن اۋىلشارۋاشىلىعىن دامىتۋ بويىنشا سەمينار-كەڭەسٸ ٶتتٸ.
شاراعا قىزىلوردا وبلىسىنىڭ ەكٸمٸ قىرىمبەك كٶشەرباەۆ, اۋدان ەكٸمدەرٸ, اگرارلىق ۇيىمدار مەن قارجى ينستيتۋتتارىنىڭ باسشىلارى, سونداي-اق ايماقتاعى اگروٶنەركەسٸپتٸك كەسٸپورىندارىنىڭ ٶكٸلدەرٸ قاتىستى.
سەمينار-كەڭەس بارىسىندا وبلىس ەكٸمٸ قىرىمبەك كٶشەرباەۆ بيىلعى جىلى اۋا-رايى ەگٸنشٸ قاۋىمىنا ٷلكەن سىن بولعانىن اتاپ ٶتتٸ. مامىر, ماۋسىم ايلارىندا اۋا تەمپەراتۋراسىنىڭ سالقىن بولۋى جەنە شٸلدە ايىندا سىردارييا ٶزەنٸندەگٸ سۋدىڭ ايتارلىقتاي ازايۋىنان سۋ تاپشىلىعى ورىن الدى.سوعان قاراماستان, ٶڭٸردەگٸ شارۋالار وسى سىناقتان ابىرويمەن ٶتٸپ, قازٸر ولار ەگٸن جيناۋعا كٸرٸسٸپ وتىر.
«قازٸرگٸ جاعدايداعى سۋ تاپشىلىعى جاعدايىنان ساباق الىپ, كەلەشەكتە اعىمداعى جاعدايدى ەسكەرە وتىرىپ, شارۋاشىلىقتىڭ ودان ەرٸ دامۋى ٷشٸن بارلىق شارالاردى جاساۋىمىز كەرەك. سۋ تاپشىلىعىنىڭ كەرٸ ەسەرٸن ازايتۋدىڭ بٸز ٷشٸن بٸردەن-بٸر جولى - «كٷمٸسكەتكەن» سۋ قويماسى مەن قاراٶزەك ارناسىنداعى توعاننىڭ قۇرىلىسىن باستاۋدى جەدەلدەتۋ», - دەدٸ ايماق باسشىسى.
«كٷمٸسكەتكەن» سۋ قويماسىن سالۋ ٷشٸن تەحنيكالىق-ەكونوميكالىق نەگٸزدەمەسٸ مەن جوبالىق-سمەتالىق قۇجاتتاماسىن ەزٸرلەۋگە وبلىستىق بيۋدجەتتەن قاراجات بٶلٸنگەنٸن اتاپ ٶتكەن جٶن.
«كٷمٸسكەتكەن» سۋ قويماسى 600 ملن. تەكشە مەتر سۋدى, ال قاراٶزەكتەگٸ توعان 1,5 ميلليارد تەكشە مەترگە دەيٸن سۋ جيناۋعا مٷمكٸندٸك بەرەدٸ.
جالپى العاندا, سىر ٶڭٸرٸندە سۋارمالى سۋدى ٷنەمدەۋ جەنە تيٸمدٸ پايدالانۋ بويىنشا تولىق شارالار كەشەنٸن ەنگٸزۋ قاجەت. مەسەلەن, زاماناۋي سۋ ٷنەمدەۋ تەحنولوگييالارىن قولدانۋ - ماڭىزدى مەسەلەلەردٸڭ بٸرٸ.
«ەلباسىمىزدىڭ الداعى 5 جىل ٸشٸندە اگروٶنەركەسٸپ كەشەنٸندەگٸ ەڭبەك ٶنٸمدٸلٸگٸن جەنە ٶڭدەلگەن اۋىل شارۋاشىلىعى ٶنٸمٸنٸڭ ەكسپورتىن كەم دەگەندە 2,5 ەسەگە ارتتىرۋ تاپسىرماسىن ورىنداۋ ٷشٸن ەگٸن شارۋاشىلىعىندا سۋدى از قاجەت ەتەتٸن, ەكونوميكالىق جاعىنان تيٸمدٸلٸگٸ جوعارى, سىرتقى نارىقتا سۇرانىسى مول داقىلداردى جەنە تسيفرلىق اگروتەحنولوگييالاردى ەنگٸزۋ قازٸرگٸ جاعدايدا ٶتە ماڭىزدى. بۇل باعىتتاعى جۇمىستاردى ٶز دەرەجەسٸندە اتقارۋ ٷشٸن بٸز وبلىستىڭ اگرارلىق سالاسىن 2020 جىلعا دەيٸن دامىتۋ اگروكارتاسىن جٷزەگە اسىرۋ ٸس-شارالار جوسپارىن بەكٸتٸپ, اگرارلىق عىلىمنىڭ وزىق جەتٸستٸكتەرٸن كەڭٸنەن پايدالانۋدى باستادىق», - دەدٸ ايماق باسشىسى.
سونىمەن قاتار, وبلىس ەكٸمٸ كٶرشٸلەس قىتايدا سۇرانىسقا يە سويا تەرٸزدٸ جوعارى ٶنٸمدٸ داقىلداردى ٶسٸرۋ اگروٶنەركەسٸپ كەشەنٸندە ەكسپورتتىڭ ٷلەسٸن ۇلعايتاتىندىعىن اتاپ ٶتتٸ.
وبلىس ەكٸمٸنٸڭ ايتۋىنشا, شيەلٸ اۋدانىندا 2018 جىلدان باستاپ «اقمايا سمارت فەرم» ينتەللەكتۋالدى تەحنولوگيياسىن قولدانۋ ارقىلى داقىلداردىڭ ٶنٸمدٸلٸگٸن ارتتىراتىن اۋىلشارۋاشىلىق جوباسى ٸسكە اسىرىلۋدا.
«زاماناۋي تسيفرلىق تەحنولوگييالاردى پايدالانۋ شىعىنداردى قىسقارتىپ جەنە ٶنٸمدٸلٸك دەڭگەيٸن جوعارىلاتۋعا مٷمكٸندٸك بەرەدٸ. مەسەلەن, بٸزدٸڭ وبلىستا بارلىق ەگٸستٸك جەرلەر تەك قانا سۋارمالى سۋدىڭ كٶمەگٸمەن تۇر. قىزىلوردا وبلىسى - ەگٸستٸكتٸ جاڭبىرسىز, ياعني جاۋىن-شاشىننىڭ كٶمەگەنسٸز سۋاراتىن جالعىز وبلىس. وسىعان وراي, تامشىلاتىپ سۋارۋ ارقىلى داقىلداردىڭ كٶلەمٸن كٶبەيتكەن جٶن. كٶكتەمدە توپىراققا تٷسكەن ىلعالدى ساقتاي وتىرىپ, اكۆاسوربەنتەردٸ قولدانعان تيٸمدٸ. وسى ەدٸستەرمەن قاراتاۋ بەتكەيٸندە بوس جاتقان جەرلەردٸ قولدانا وتىرىپ, مال ازىقتىق داقىلدار: سۋدان شٶبٸ, قۇماي جٷگەرٸ, تٷيەجوڭىشقا ەگۋدٸ قولعا الۋ قاجەت. بۇل ٶز كەزەگٸندە, مال شارۋاشىلىعى, ونىڭ ٸشٸندە سٷت باعىتىنداعى شارۋاشىلىقتاردى قۇنارلى مال ازىعىمەن قامتاماسىز ەتەتٸن بولادى», - دەدٸ ايماق باسشىسى.
سونداي-اق, وبلىس ەكٸمٸ بۇل مەسەلەدە شارۋالاردىڭ جاڭا سۋارمالى القاپتارعا سۋ جەتكٸزۋ ينفراقۇرىلىمىن مەملەكەتتٸك-جەكە ەرٸپتەستٸك نەگٸزٸندە جاساۋعا شاقىردى. مەملەكەت كەتكەن شىعىندارىن كەزەڭ-كەزەڭٸمەن 3-4 جىلدا قايتارىپ بەرەتٸنٸن مەلٸمدەدٸ. سونىمەن قاتار, تامشىلاتىپ سۋارۋ جٷيەسٸن ەنگٸزگەن جاعدايدا, وعان جۇمسالعان شىعىنداردىڭ 30 پايىزىن مەملەكەت سۋبسيدييالايدى.
وبلىستىق اۋىل شارۋاشىلىعى باسقارماسىنىڭ باسشىسى باحىت جاحانوۆ جەنە اۋدان ەكٸمدەرٸ ەگٸن جيناۋ ناۋقانىنا دايىندىق بارىسى جٶنٸندە باياندادى, ال شارۋا قوجالىقتارىنىڭ باسشىلارى ەرتٷرلٸ داقىلداردى ٶسٸرۋدە ٶز تەجٸريبەلەرٸمەن بٶلٸستٸ.
كەزدەسۋدٸ قورىتىندىلاي كەلە, ايماق باسشىسى الداعى ۋاقىتتا اگرارلىق سەكتورداعى ىقتيمال قاۋٸپتەر تۋرالى ەسكەرٸپ جەنە قولدا بار رەسۋرستاردى تيٸمدٸ پايدالانۋ قاجەتتٸلٸگٸن اتاپ ٶتتٸ.
شارا بارىسىندا قاتىسۋشىلار «جاڭا جول» شارۋاشىلىعىنىڭ ەگٸس القابىن ارالاپ, استىقتى جيناۋ رەسٸمٸن ٶتكٸزدٸ. دەستٷر بويىنشا «ەڭبەك ەرٸ», ارداگەر كٷرٸششٸ سەليما جۇمابەكوۆا مول ٶنٸم جيناۋىن تٸلەپ, جينالعان جۇرتشىلىققا باتاسىن بەردٸ.
انىقتاما: بيىلعى جىلى وبلىستا 184,5 مىڭ گا ەگٸستٸك ەگٸلدٸ, بۇل ٶتكەن جىلمەن سالىستىرعاندا 3370 گەكتارعا ارتىق. ونىڭ ٸشٸندە 95,3 مىڭ گەكتارعا دەندٸداقىل, 10,3 مىڭ گەكتارعا مايلى داقىلدار, 61,5 مىڭ گەكتارعا جەم, كارتوپ, كٶكٶنٸس پەن 17,4 مىڭ گەكتارعا باقشا ٶنٸمدەرٸ ەگٸلدٸ.
سونىمەن قاتار, اگرارلىق سەكتوردى ەرتاراپتاندىرۋ بويىنشا تەجٸريبە اياسىندا 50 گا سۋدان شٶبٸ, 50 گا قۇماي جٷگەرٸسٸ جەنە 5 گەكتارعا سويا ەگٸلدٸ.
كٷرٸش القابى 87 267 گەكتاردى قۇرادى.
