مەجٸلٸس تٶراعاسى ەرلان قوشانوۆ بٷگٸن تٶمەنگٸ پالاتا قابىلداعان ەيەلدەردٸڭ قۇقىقتارى مەن بالالاردىڭ قاۋٸپسٸزدٸگٸن قامتاماسىز ەتەتٸن زاڭدارعا قاتىستى پٸكٸر بٸلدٸردٸ, دەپ حابارلايدى "ۇلت اقپارات".
«بٷگٸن بٸز ٶتە ماڭىزدى زاڭ قابىلدادىق. بۇل قۇجات مەملەكەت باسشىسىنىڭ تاپسىرماسىمەن ەزٸرلەنٸپ, زاڭ ٷستەمدٸگٸ مەن تەرتٸپتٸ قامتاماسىز ەتۋگە تٸكەلەي باعىتتالعان. وتباسى مەن تۇرمىستاعى زورلىق-زومبىلىق — قوعامدا جيٸ تالقىلاناتىن ٶزەكتٸ ەرٸ ٶتە ٶتكٸر مەسەلە. اتالعان پروبلەمانى قۇقىق قورعاۋشىلار مەن دەپۋتاتتار عانا ايتىپ جٷرگەن جوق. ەيەلدەر مەن بالالاردىڭ قورعانسىزدىعى جايىنداعى مەسەلە باق-تا, ەلەۋمەتتٸك جەلٸدە ٶتە جيٸ كٶتەرٸلۋدە. اگرەسسورلار مەن ابيۋزەرلەردٸڭ كەسٸرٸنەن قانشاما شاڭىراق شايقالىپ, ەيەل تاعدىرى تالقىعا تٷسٸپ, بالالار زارداپ شەگۋدە», — دەدٸ مەجٸلٸس سپيكەرٸ.
ونىڭ اتاپ ٶتۋٸنشە, ەيەلدەر مەن بالالارعا قاتىستى زورلىق-زومبىلىق ٷشٸن جاۋاپكەرشٸلٸكتٸ قاتايتۋدى جۇرتشىلىق كٶپتەن بەرٸ تالاپ ەتٸپ كەلەدٸ.
«ەندٸ زاڭ بويىنشا مۇنداي قىلمىستار ٷشٸن قاتاڭ شارالار قولدانىلادى. ول ٶتە ورىندى. جالپى, ەيەلدەر مەن بالالارعا كٷش كٶرسەتۋگە, اگرەسسييا مەن زورلىق-زومبىلىققا جول بەرگٸزبەۋگە تيٸسپٸز. اتا دەستٷرلەرٸمٸزدٸ بەرٸك ۇستانىپ, ەرلٸ-زايىپتىلار اراسىندا شىنايى قۇرمەت, سىيلاستىق پەن بالالارعا دەگەن قامقورلىق ورنىعۋى قاجەت. ٶتە اۋقىمدى جۇمىس اتقارىلدى», — دەدٸ ەرلان قوشانوۆ.
