قازاقستاننىڭ قارجى مونيتورينگٸ اگەنتتٸگٸ "Karuan" كومپانيياسىن رەيدەرلٸك جولمەن تارتىپ العانى" تۋرالى شاعىم تٷسكەنٸن راستادى. بۇعان دەيٸن كەيبٸر جەرگٸلٸكتٸ باق بيزنەسمەن نۇرشا كەكەنوۆ "ەكس-پرەزيدەنت نۇرسۇلتان نازارباەۆتىڭ ٸنٸسٸ بولات نازارباەۆ بيزنەسٸمدٸ تارتىپ الدى" دەپ شاعىمدانعانىن حابارلاعان.
"باق ٶكٸلدەرٸنەن تٷسكەن سۇراۋلارعا قما 2022 جىلدىڭ 17 ماۋسىمىندا الماتى قالاسى پروكۋراتۋراسىنان الماتى قالاسى بويىنشا ەكونوميكالىق تەرگەۋ دەپارتامەنتٸنە نۇرشا كەكەنوۆتەن Karuan جشس-نٸڭ رەيدەرلٸك جولمەن الىنعانى تۋرالى حابارلاما تٷسكەنٸن حابارلايدى. ٶتٸنٸشتە كٶرسەتٸلگەن دەلەلدەر تەكسەرۋگە جاتادى, ونىڭ نەتيجەلەرٸنە قۇقىقتىق باعا بەرٸلەدٸ", - دەلٸنگەن حابارلامادا.
قما مەلٸمەتٸنشە, باسقا اقپارات جارييا ەتۋگە جاتپايدى.
بۇعان دەيٸن Kozachkov offside Telegram-ارناسىندا نۇرشا كەكەنوۆ "Karuan" جشس قۇرىلتايشىلارىنىڭ بٸرٸ بولعانىمەن, ونىڭ ٷلەسٸن تارتىپ العانى تۋرالى اقپارات پايدا بولعان. ارىزدانۋشى ٶز شىعىنىن 150 ميلليون دوللارعا باعالعان.
جۋرناليستٸڭ ايتۋىنشا, "Karuan" ماڭعىستاۋ وبلىسىندا مارگانەتس ٶندٸرۋمەن اينالىسقان. 2006 جىلى ونىڭ جالعىز قۇرىلتايشىسى رەتٸندە بولىپ بولات نازارباەۆ قالدى. ال ٶتكەن جىلى كەسٸپورىن جۇمىسىن توقتاتتى.
ايتا كەتەيٸك, بولات نازارباەۆ – ەكس-پرەزيدەنت نۇرسۇلتان نازارباەۆتىڭ ٸنٸسٸ. قاڭتار وقيعاسىنان كەيٸن نۇرسۇلتان نازارباەۆ قاۋٸپسٸزدٸك كەڭەسٸ تٶراعاسى قىزمەتٸنەن ايىرىلىپ, كەيبٸر تۋىستارى مەن سەرٸكتەرٸ جوعارى قىزمەتتەرٸنەن الىنعان. كەي اقپاراتتارعا قاراعاندا, بولات نازارباەۆ 6 قاڭتاردا قازاق-قىرعىز شەكاراسىنان ٶتٸپ, بٸشكەك ارقىلى دۋبايعا ۇشىپ كەتكەن.
بيىل سەۋٸر ايىندا الماتى وبلىسىنداعى Almaty Steklo زاۋىتىن يەلەرٸنٸڭ بٸرٸ رەيدەرلٸك زورلىق كٶرگەنٸن, كەسٸپورىنداعى ٷلەسٸنٸڭ جارتىسىن بولات نازارباەۆ تارتىپ العانىن مەلٸمدەگەن. ودان بۇرىن قارجىلىق مونيتورينگ اگەنتتٸگٸ بولات نازارباەۆقا قاتىسى بار ماينينگ كومپانييالاردى انىقتاعان.
