مۇناي ۇرلىعى, ۇيىمداسقان قىلمىستىق توپ قۇرۋ, مۇنايدى زاڭسىز تاسىمالداۋ مەن ساتۋ, رەيدەرلٸك جولمەن بيزنەستٸ تارتىپ الۋ باپتارى بويىنشا سوتتالعان "اعايىندى تٶرتەۋ" ۇيىمداسقان قىلمىستىق توبىنىڭ ليدەرٸ ەركٸن ٸزباسار ارادا ٷش جىل ٶتكەندە بوستاندىققا شىقتى, دەپ حابارلايدى "ۇلت اقپارات".
№2 ٶسكەمەن قالالىق سوتى بيىل 21 قازان كٷنٸ شىعىس قازاقستان وبلىستىق قاجد وۆ-156/20 باستىعىنىڭ ۇسىنىسى بويىنشا جازاسىن ٶتەۋشٸ ەركٸن ٸزباسارعا قاتىستى ٸستٸ قارادى. ۇسىنىستا جازاسىن ٶتەۋشٸنٸڭ دەنساۋلىعى ناشارلاعانى جازىلعان.
قىلمىستىق كودەكستٸڭ «اۋرۋعا شالدىعۋىنا بايلانىستى جازادان بوساتۋ» بابىنا سٷيەنسەك, ٶمٸر بويىنا باس بوستاندىعىنان ايىرۋدان باسقا, جازانى ٶتەۋگە كەدەرگi جاسايتىن ٶزگە دە اۋىر ناۋقاستان زارداپ شەگۋشٸ ادامدى سوت جازانى ٶتەۋدەن بوساتادى نەمەسە ناۋقاسىنىڭ سيپاتى, جاسالعان قىلمىستىق قۇقىق بۇزۋشىلىقتىڭ اۋىرلىعى, سوتتالعان ادامنىڭ جەكە باسى جەنە باسقا دا مەن-جايلار ەسكەرٸلە وتىرىپ, جازا نەعۇرلىم جەڭiل جازا تٷرiمەن اۋىستىرىلۋى مٷمكiن.
«سوت ارنايى مەديتسينالىق كوميسسييانىڭ قورىتىندىسىن, سوتتالۋشىنىڭ دەرتٸنٸڭ اۋىرلىعىن, تاراپتاردىڭ پٸكٸرلەرٸن ەسكەرە وتىرىپ, سوتتالعان ٸزباساردٸڭ دەنساۋلىعىنىڭ قالپىنا كەلۋٸنە دەيٸن بوساتتى. سوتتالعان ادامنىڭ مٸنەز-قۇلقىن باقىلاۋ ٷكٸمدٸ ورىندايتىن ورگانعا جٷكتەلەدٸ. قازٸرگٸ ۋاقىتتا قاۋلى كٷشٸنە ەندٸ», - دەپ حابارلادى №2 ٶسكەمەن قالالىق سوتىنىڭ باسپاسٶز قىزمەتٸ.
ايتا كەتەيٸك, 2018 جىلى سوت ٷكٸمٸمەن "اعايىندى تٶرتەۋ" ۇيىمداسقان قىلمىستىق توبىنىڭ ليدەرٸ ەركٸن ٸزباسار 12 جىلعا باس بوستاندىعىنان ايىرۋ جازاسىنا كەسٸلگەن ەرٸ جازاسىن قاۋٸپسٸزدٸگٸ بارىنشا جوعارى كولونييادا ٶتەگەن. ٸزباسارعا ون باپ بويىنشا, ونىڭ ٸشٸندە قىلمىستىق توپ ۇيىمداستىرعانى جەنە 39 ميلليون تەڭگە سوماسىندا مۇناي ۇرلاعانى ٷشٸن ايىپ تاعىلدى, سونداي-اق قىلمىسپەن تاپقان مٷلكٸ تەركٸلەندٸ.
ال ونىڭ جانىندا جٷرگەن اۋحات قاليەۆ 11 جىلعا, سول جىلدارى وبلىستىق ٸٸد باستىعىنىڭ ورىنباسارى قىزمەتٸن اتقارعان راحات احانوۆ 5 جىل 3 ايعا سوتتالدى. بۇرىنعى پوليتسييا قىزمەتكەرٸ ٶمٸر بويى قۇقىق قورعاۋ ورگاندارىندا جۇمىس ٸستەي المايدى, پوليتسييا پولكوۆنيگٸ شەنٸنەن ايىرىلدى.
