.jpeg)
فوتو: pm.kz
ەكولوگييا جەنە تابيعي رەسۋرستار مينيسترٸ ەرلان نىسانباەۆ قاراعاندى جەنە پاۆلودار وبلىستارىنداعى ٶرتكە قاتىستى سۇراقتارعا جاۋاپ بەردٸ.
"جاڭا ٷكٸمەت وتىرىسىندا پاۆلودار وبلىسى اعاش وتىرعىزۋ جاعىنان ەڭ تٶمەنگٸ كٶرسەتكٸشكە يە دەگەن سٶز ايتىلدى. قازٸر پاۆلوداردا ورمان ٶرتەنٸپ جاتقانى بەلگٸلٸ. ٶرتتەن كەلەتٸن شىعىن بار. پاۆلودارداعى جاسىل جەلەكتەردٸڭ مەسەلەسٸ تٸپتٸ كٷردەلەنٸپ كەتپەي مە?" - دەگەن Ult.kz تٸلشٸسٸنٸڭ سۇراعىنا مينيستر مەسەلە كٷردەلەنبەيدٸ دەپ جاۋاپ بەردٸ.
"مەسەلە كٷردەلەنبەيدٸ, سەبەبٸ ٶزدەرٸڭٸزگە مەلٸم, 6 قازانعا قاراعان تاڭدا ٶرت باستالدى. تٷسكە تامان پاۆلودار وبلىسىن شارپىدى. باياناۋىل ۇلتتىق ساياباعىنىڭ جەرٸنە كٸردٸ. بٸراق ول تولىعىمەن دالا (ستەپنايا زونا). بار-جوعى ٶرت شالعانى 13 گا جالپاقتى اعاش تٷرلەرٸ. بٸراق ول تٶمەنگٸ ساپتى قامتىدى, اعاشتىڭ اراسىن شارپىپ ٶتتٸ. اعاشتار ٶزدەرٸ امان. سول سەبەپتٸ ەشقانداي كەدەرگٸ جوق, ٶزٸمٸزدٸڭ جوسپارلى جۇمىسىمىزدى جالعاستىرامىز", - دەدٸ ە.نىسانباەۆ.
"قازٸرگٸ ۋاقىتتا ٶرتتٸڭ قانشا بٶلٸگٸ سٶندٸرٸلدٸ?" دەگەن سۇراققا دا جاۋاپ بەردٸ.
"ٶكٸنٸشكە قاراي, 6-سى كٷنگٸ جەلدٸڭ باعىتى سولتٷستٸك-شىعىستان سوقسا, كەشەدەن بەرٸ وڭتٷستٸككە قاراي اۋىستى. قارقارالى جاقتان اۋىسقاندىقتان, بٸراز قيىندىقتار تۋىنداپ جاتىر, بٸراق تجم ايتۋىنشا, بٷگٸن ٶرت توقتاتىلادى. بٸرشاما كٷشتەر جۇمىلدىرىلعان. ورمان ەمەس, دالا ٶرتەنٸپ جاتقاندىقتان, كەشكە دەيٸن سٶندٸرٸلەدٸ دەپ سەنەمٸن. بيىل جاۋىن-شاشىن كٶپ بولدى, شٶپ قالىڭ, تەز جانادى. قاۋٸپ-قاتەر كەشكە دەيٸن شەشٸلەدٸ", - دەدٸ مينيستر.
تجم كٷشتەرٸ قولدان كەلگەنٸن جاساپ جاتقانىن ايتىپ وتىر. ال قاراعاندى وبلىسىندا جاعداي قيىن ەكەنٸ حابارلاندى.
بۇعان دەيٸن قاراعاندى وبلىسىنىڭ قارقارالى اۋدانىندا مال قىرىلىپ جاتقانىن حابارلاعان ەدٸك.
ايتا كەتەيٸك, ەكٸ كٷننەن بەرٸ سٶنبەي جاتقان دالا ٶرتٸ ەكٸ وبلىستىڭ 45 مىڭ گەكتار جەرٸن شارپىعان. تجم كٷشتەرٸ قولدان كەلگەنٸن جاساپ جاتىر. پاۆلودار وبلىسىنداعى 10 مىڭ گەكتار جەردەگٸ ٶرت وقشاۋلانعان. ال قاراعاندى وبلىسىندا جاعداي قيىن.
