الماتىداعى جامبىل اتىنداعى جاسٶسپٸرٸمدەر كٸتاپحاناسىندا جازۋشى ماقسات مەلٸكتٸڭ «اعاش ادام» اتتى كٸتابىنىڭ تانىستىرىلىمى ٶتتٸ, دەپ حابارلايدى Baq.kz اگەنتتٸگٸ.
جاڭا كٸتاپقا جازۋشىنىڭ بۇعان دەيٸن ەش جەردە جارييالانباعان «قۇدىق باسىنداعى ەكەۋ», «ەسكٸ ٷيگە اپاراتىن جول», «زۇلىمدىق پورترەتٸ», «بارسيك» جەنە باسقا دا قىزىقتى ەڭگٸمەلەرٸ ەنگەن.
ماقسات مەلٸك - جاڭا عاسىر باسىندا بٸزبەن بٸرگە ەدەبيەتتٸڭ كيەلٸ تابالدىرىعىنان سەنٸمدٸ اتتاعان دارىندى جازۋشى. از جازسا دا ساز جازاتىن, ميستيكا مەن پسيحولوگيزمدەردٸ قاتار ٶرە الاتىن, ەرٸپ ارقىلى ەمەس, سٶيلەمدەر اراسىندا جاسىرۋلى الۋان تٷرلٸ ويلار مەن تۇسپالداردى تٷيسٸگٸڭە جەتكٸزە بٸلەتٸن, زاماناۋي پروزانىڭ قىر-سىرىن جەتٸك مەڭگەرگەن تالعامپاز قالامگەر. ماقساتتىڭ شىعارماشىلىعى كٶپ وقىرمانعا تانىس بولماعان شىعار, بٸراق تاپتاۋرىن ەمەس, ٶزگە پروزانى ٸزدەۋشٸ, ەرەكشە ستيلدٸ جاقسى كٶرەتٸن ادامعا تاپتىرمايتىن قازىنا, - دەيدٸ قازاقستان جازۋشىلار وداعى تٶراعاسىنىڭ بٸرٸنشٸ ورىنباسارى, اقىن اقبەرەن ەلگەزەك.
«اعاش ادام» كٸتابى الماتى قالاسى ەكٸمدٸگٸنٸڭ قولداۋىمەن 2021 جىلدىڭ جەلتوقسانىندا باسىلىپ شىققان.
بۇل كٸتاپ ميستيكيالىق, فەنتەزي جانرى نەگٸزٸندە جازىلدى. ەڭگٸمەلەر جيناعىنان تۋراتىن كٸتاپ جالپى وقىرمانعا ارنالعان. ەكٸمدٸكتٸڭ قولداۋىمەن شىققان كٸتاپ قالاداعى بارلىق كٸتاپحانالارعا تاراتىلادى, - دەيدٸ جازۋشى م. مەلٸك.
جاڭا تۋىندى «Abai» باسپاسىنان 1000 دانامەن باسىلىپ شىققان.
ايتا كەتسەك, جازۋشى ماقسات مەلٸكتٸڭ بۇعان دەيٸن «جۇمباق كٸتاپ» اتتى شىعارمالار جيناعى جارىق كٶرگەن بولاتىن.
