ادام قۇقىقتارى جٶنٸندەگٸ ۋەكٸل ەلۆيرا ەزٸموۆا قوعام بەلسەندٸسٸ دۋلات اعادٸلدٸڭ تەرگەۋ يزولياتورىندا قايتىس بولۋىنا قاتىستى پٸكٸر بٸلدٸردٸ, دەپ حابارلايدى Sputnik قازاقستان.
"كەشە, 24 اقپاندا دۋلات اعادٸلدٸ تەرگەۋ يزولياتورىنا ماس كٷيٸندە جەتكٸزدٸ. الايدا ول ماڭىزدى ەمەس. ەڭ باستىسى, ونى ۇستاۋ, اباقتىعا وتىرعىزۋ جەنە العاشقى مەديتسينالىق كٶمەك كٶرسەتۋ جاعىنان تەرتٸپ بۇزۋشىلىقتار بولماۋى تيٸس. وسى ورايدا ازاماتتىق قوعام ٶكٸلدەرٸ وقيعا ورنىنا بارىپ, زورلىق-زومبىلىق جەنە ادامنىڭ ار-نامىسىن قورلاۋعا قاتىستى تاعى باسقا مەسەلەلەردٸ تەكسەرە الادى", - دەدٸ ەزٸموۆا استانادا ٶتكەن باسپاسٶز مەسليحاتىندا.
ونىڭ ايتۋىنشا, قازٸرگٸ كەزدە اعادٸل جەنە تاعى تٶرت ادام وتىرعان تەرگەۋ يزولياتورىندا تەۋەلسٸز توپتىڭ ٶكٸلٸ جٷر. ول بەينەباقىلاۋ كامەراسىنىڭ جازبالارىن جان-جاقتى زەردەلەپ شىعادى.
"ادام [يزولياتور] قاقپاسىنان اتتاعان سوڭ ونىڭ ەربٸر قادامىن كامەرا تٷسٸرەدٸ. جازبانىڭ جالپى ۋاقىتى شامامەن 8 ساعات, تەۋەلسٸز توپتىڭ ٶكٸلٸ سونىڭ بەرٸن قاراپ شىعۋى كەرەك. ونى تەكسەرۋ ۋاقىت الادى. اعادٸل مىرزا قوعام بەلسەندٸسٸ بولعان. ازاماتتىق قوعام تاراپىنان ونىڭ ٶلٸمٸنە قاتىستى سۇراقتار بار. كٷدٸك تە جوق ەمەس. سوندىقتان بٸز تەرتٸپ بۇزۋشىلىقتار بولدى ما, جوق پا, سونى جان-جاقتى زەردەلەپ شىعۋىمىز قاجەت ", - دەپ اتاپ كٶرسەتتٸ ەزٸموۆا.
ونىڭ سٶزٸنە قاراعاندا, مارقۇمنىڭ وتباسىنا ادۆوكات بەرٸلدٸ. ول سوت-مەديتسينالىق ساراپتامانى باقىلايدى. ال ٷكٸمەتتٸك ەمەس ۇيىمدار مەملەكەتتٸك ساراپتامادان بٶلەك تەۋەلسٸز سوت ساراپتاماسىن ۇيىمدىستىرۋ جاعىن پىسىقتاپ جاتىر.
ايتا كەتەيٸك, بٷگٸن ٸشكٸ ٸستەر ورگاندارى نۇر-سۇلتانداعى تەرگەۋ يزولياتورىندا قوعام بەلسەندٸسٸ دۋلات اعادٸلدٸڭ قايتىس بولعانىن حابارلادى.
"نۇر-سۇلتانداعى تەرگەۋ يزولياتورىندا 1977 جىلى تۋعان قوعام بەلسەندٸسٸمەن بٸرگە تاعى تٶرت ادام بولعان. ولار دۋلات اعادٸلگە زورلىق-زومبىلىق جاسالماعانىن ايتتى", - دەيدٸ پوليتسەيلەر.
سوت ساراپتاماسىنىڭ قورىتىندىسىنا سەيكەس, قوعام بەلسەندٸسٸ ۇستالعان كەزدە ماس بولعان.
وقيعا ورنىنا جەتكەن جەدەل جەردەم بريگاداسىنىڭ قىزمەتكەرلەرٸ ەر ادامنىڭ ٶلٸمٸن راستادى. ونىڭ ٶلٸمٸنە جٷرەك-قان تامىر جەتكٸلٸكسٸزدٸگٸ سەبەپ بولعانى ايتىلىپ وتىر. دەنەسٸندە زورلىق-زومبىلىق بەلگٸسٸ جوق. سوتقا دەيٸنگٸ تەرگەۋ باستالدى.
ەسكە سالا كەتسەك, دۋلات اعادٸل قاڭتار ايىندا سىرتتاي ايىپتالۋشى دەپ تانىلىپ, ەشقايدا كەتپەۋ تۋرالى بۇلتارتپاۋ شاراسى قولدانىلعان. مۇنى ورىنداماعانى ٷشٸن سوت قوعام بەلسەندٸسٸنە قاتىستى شارانى قاماۋعا الۋعا الماستىردى.
كەشە, 24 اقپان كٷنٸ ساعات 21:00-دە اعادٸل ٷيٸنەن تەرگەۋ اباقتىسىنا جەتكٸزٸلدٸ. وعان قاتىستى قىلمىستىق زاڭبۇزۋشىلىق جاساعانى, سۋديا مەن سوت وتىرىسىنا قاتىسۋشىلارعا تٸل تيگٸزگەنٸ ٷشٸن قىلمىستىق ٸس قوزعالعان بولاتىن.
