قر ەكولوگييا, گەولوياگي جەنە تابيعي رەسۋرستار مينيسترلٸگٸ ەكولوگييالىق رەتتەۋ جەنە باقىلاۋ كوميتەتٸنٸڭ تٶراعاسى زۇلفۇحار جولداسوۆ بالقاشتىڭ ماڭىنا اەس سالۋ ەكولوگيياعا قانشالىقتى قاۋٸپتٸ ەكەنٸ تۋرالى پايىمىن ايتتى, دەپ حابارلايدى قازاقپارات.
«بالقاش كٶلٸ ارالدىڭ تاعدىرىن قايتالاۋى مٷمكٸن. كٶل سۋىندا تۇزى بەن كٷكٸرت ديوكسيدٸنٸڭ, اۋىر مەتالل مەن ۋلى شاڭنىڭ جوعارى كونتسەنتراتسيياسى بايقالىپ وتىر. سوعان قاراماستان, اەس سالىنۋ ىقتيمال ورىن رەتٸندە بالقاشتىڭ اۋماعى قاراستىرىلىپ وتىر. ول يدەيانىڭ اۆتورلارى سٸزدەرمەن ساراپشى رەتٸندە اقىلداستى ما?» - دەپ سۇرادى باق ٶكٸلٸ ورتالىق كوممۋنيكاتسييالار قىزمەتٸندە ٶتكەن بريفينگٸدە.
مينيسترلٸك ٶكٸلٸنٸڭ ايتۋىنشا, تٷبەگەيلٸ شەشٸم ەلٸ قابىلدانباعان.
«قازٸرگٸ تاڭدا ەنەرگەتيكا مينيسترلٸگٸنٸڭ جانىنداعى ٷلكەن ۇيىم زەرتتەۋ جٷرگٸزٸپ جاتىر. بالقاشتىڭ جاعاسىندا سالۋ تۋرالى شەشٸم دە بٸر نۇسقا رەتٸندە زەرتتەلٸپ جاتىر. بۇل مەسەلەدە ٷش نەگٸزگٸ فاكتور بار. بٸرٸنشٸسٸ – ەكولوگييا مەسەلەسٸ. اەس بٷكٸل ەكولوگييالىق تالاپتارعا سەيكەس بولسا عانا سالىنادى. ەكٸنشٸسٸ – قوعامدىق تىڭداۋ. قوعام ماقۇلداسا عانا جوبا قولعا الىنادى. ٷشٸنشٸسٸ – سۋدى ٷنەمدەۋ مەسەلەسٸ. بٸزگە ماماندار اتوم ٶنەركەسٸبٸندە سۋدى بارىنشا از تۇتىناتىن تەحنولوگييالار بار ەكەنٸن ايتتى. ياعني, تۇتىنىلۋى ىقتيمال سۋدىڭ كٶلەمٸ ەكوجٷيەگە, بالقاشتىڭ سۋ قورىنا كەرٸ ەسەر ەتەتٸندەي مٶلشەردە بولمايدى دەگەندٸ ايتىپ وتىر. بۇل ەزٸرگە كەلەشەكتٸڭ ەنشٸسٸندەگٸ مەسەلە, تالقىلانىپ قانا جاتىر. جوبالاۋ كەزٸندە مٸندەتتٸ تٷردە سۋ كوميتەتٸ قارايدى. مەن اتاعان ٷش مەسەلە ەڭ نەگٸزگٸ قۇرامداس بٶلٸگٸ بولادى», - دەدٸ زۇلفۇحار جولداسوۆ.
سونداي-اق بالقاش سۋىنىڭ ازايىپ بارا جاتقانى تۋرالى ەڭگٸمەگە دە پٸكٸر بٸلدٸردٸ.
«بٸزدەگٸ دەرەكتەر بويىنشا بٷگٸندە بالقاشتىڭ دەڭگەيٸ تٷسٸپ كەتكەنٸن كٶرٸپ وتىرعان جوقپىز. بٸراق كەزەڭ-كەزەڭمەن بايقالاتىن تەندەنتسييا بار. بۇل جەردە ەكٸ ٷلكەن پروبلەما بار. ونىڭ بٸرٸ – كليماتتىڭ ٶزگەرۋٸ, بالقاشقا قۇياتىن سۋ كٶزدەرٸنٸڭ, ترانسشەكارالىق ٶزەندەر سۋىنىڭ ازايۋى, مۇزدىقتاردىڭ ەرۋٸ. بالقاشقا قۇياتىن سۋدىڭ 70 پايىزى ٸلەدەن كەلەدٸ. ال ول ٶزەن باستاۋىن قىتايدان باستاۋ الىپ جاتىر. سەيكەسٸنشە, كٶرشٸ ەلدەن اعىپ كەلەتٸن سۋدىڭ ازايۋى پروبلەماسى دا بار. ول بويىنشا ترانسشەكارالىق ٶزەندەرگە بايلانىستى كەلٸسسٶز جٷرٸپ جاتىر», - دەدٸ كوميتەت باسشىسى.
